តាំងពីឡើងកាន់អំណាចមក លោក គីម ជុងអ៊ុន បានជួបមេដឹកនាំពិភពលោក ៦នាក់ប៉ុណ្ណោះ
- 2019-04-25 07:26:40
- ចំនួនមតិ 0 | ចំនួនចែករំលែក 0
តាំងពីឡើងកាន់អំណាចមក លោក គីម ជុងអ៊ុន បានជួបមេដឹកនាំពិភពលោក ៦នាក់ប៉ុណ្ណោះ
ចន្លោះមិនឃើញ
តាំងពីឡើងកាន់អំណាចជាមេដឹកនាំកូរ៉េខាងជើង ក្នុងឆ្នាំ២០១១មក លោក គីម ជុងអ៊ុន បានជួបមេដឹកនាំពិភពលោកចំនួន៦នាក់ប៉ុណ្ណោះ រួមមាន៖
១. លោក ស៊ី ជីនពីង ប្រធានាធិបតីចិន
-ខែមីនា ឆ្នាំ២០១៨ ៖ ជួបនៅក្រុងប៉េកាំង
-ខែឧសភា ឆ្នាំ២០១៨៖ ជួបនៅក្រុងដាលាន
-ខែមិថុនា ឆ្នាំ២០១៨៖ ជួបនៅក្រុងប៉េកាំង
-ខែមករា ឆ្នាំ២០១៩៖ ជួបនៅក្រុងប៉េកាំង។
២. លោក ម៉ូន ចេអ៊ីន ប្រធានាធិបតីកូរ៉េខាងត្បូង
លោក គីម ជុងអ៊ុន ជួបលោក ម៉ូន ចេអ៊ីន ចំនួន៣ដង ក្នុងនោះ៖
-ខែមេសា ឆ្នាំ២០១៨៖ នៅតំបន់ព្រំដែនគ្មានយោធា
-ខែឧសភា ឆ្នាំ២០១៨៖ នៅតំបន់ព្រំដែនគ្មានយោធា
-ខែកញ្ញា ឆ្នាំ២០១៨៖ នៅក្រុងព្យុងយ៉ាង
៣. លោក ដូណាល់ ត្រាំ ប្រធានាធិបតីអាមេរិក
លោក គីម ជុងអ៊ុន បានជួបលោក ដូណាល់ ត្រាំ ចំនួន២ដង។ ក្នុងនោះ៖
-ខែមិថុនា ឆ្នាំ២០១៨៖ ជួបនៅសិង្ហបុរី
-ខែកុម្ភៈ ឆ្នាំ២០១៩៖ ជួបនៅក្រុងហាណូយ ប្រទេសវៀតណាម។
៤. លោក លី សៀនឡុង នាយករដ្ឋមន្ត្រីសិង្ហបុរី
លោក គីម ជុងអ៊ុន បានជួបជាមួយលោក លី សៀនឡុង នៅសិង្ហបុរី ក្នុងខណៈដែលប្រទេសនេះ ធ្វើជាម្ចាស់ផ្ទះនៃជំនួបកំពូល ត្រាំ-គីម កាលពីខែមិថុនា ឆ្នាំ២០១៨។
៥. លោក ង្វៀង ភូត្រុង ប្រធានាធិបតីវៀតណាម
លោក គីម ជុងអ៊ុន បានជួបជាមួយលោក ង្វៀង ភូត្រុង នៅក្រុងហាណូយ ប្រទេសវៀតណាម កាលពីថ្ងៃទី១ ខែមីនា ឆ្នាំ២០១៩ ក្នុងខណៈដែលប្រទេសនេះ ធ្វើជាម្ចាស់ផ្ទះនៃជំនួបកំពូល ត្រាំ-គីម លើកទី២។
៦. លោក វ្លាឌីមៀ ពូទីន ប្រធានាធិបតីរុស្ស៊ី
លោក គីម ជុងអ៊ុន បានជួបលោក វ្លាឌីមៀ ពូទីន នាព្រឹកថ្ងៃទី២៥ ខែមេសា ឆ្នាំ២០១៩ ក្នុងក្រុង Vladivostok ភាគខាងកើតរុស្ស៊ី៕