លោក សុខ ទូច ត្រូវតុលាការកោះហៅឱ្យចូលបំភ្លឺ ពាក់ព័ន្ធនឹងបណ្តឹងរបស់គណបក្សខ្មែរក្រោក

2019-05-07 08:53:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អយ្យការអមសាលាដំបូងរាជធានីភ្នំពេញ បានកោះហៅលោក សុខ ទូច ប្រធានរាជបណ្ឌិត្យសភាកម្ពុជា ឱ្យចូលបំភ្លឺនៅថ្ងៃទី១០ ខែឧសភា ឆ្នាំ២០១៩ខាងមុខនេះ ពាក់ព័ន្ធនឹងបណ្តឹងរបស់គណបក្សខ្មែរក្រោក។ នេះបើតាមដីការបស់ វ៉ា សក្តា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ចុះកាលពីថ្ងៃទី២ ខែឧសភា ឆ្នាំ២០១៩។

រូបថត៖ ហ្វេសប៊ុករាជបណ្ឌិត្យសភាកម្ពុជា

យោងតាមដីកានេះ ឱ្យដឹងថា លោក ខែម ស៊ីឡេង អគ្គលេខាធិការរងគណបក្សខ្មែរក្រោក និងជាតំណាងគណបក្សខ្មែរក្រោក បានប្តឹងលោក សុខ ទូច ពីបទ កុបកម្ម និងបទជ្រៀតជ្រែក ដោយខុសច្បាប់ទៅក្នុងការបំពេញមុខងារសាធារណៈ។

លោក សុខ ទូច បានលើកឡើងនៅក្នុងទំព័រហ្វេសប៊ុករបស់លោកនាថ្ងៃទី៧ ខែឧសភា ឆ្នាំ២០១៩នេះថា វាជារឿងចម្លែកក្នុងជីវិតរបស់លោក ព្រោះមិនធ្លាប់ត្រូវបានតុលាការកោះហៅទេ តែពេលនេះ ត្រូវបានព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញកោះហៅតាមរយៈដីកាខាងលើនេះ។

លោកបញ្ជាក់ថា ទោះបីលោកមមាញឹករកពេលសម្រាកមិនបានក្នុងការបំពេញការងាររាជការ ក៏លោកនឹងចូលខ្លួនតាមការកោះហៅនេះដែរ៕

អត្ថបទ៖ សំភី