នាយករដ្ឋមន្ត្រីនេប៉ាល់ ទៅមើលវិមានឈ្នះ-ឈ្នះ របស់កម្ពុជា

2019-05-16 01:46:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជាលើកទីមួយហើយ ដែលលោក ខេភី សាម៉ាអូលី នាយករដ្ឋមន្ត្រី នៃប្រទេសនេប៉ាល់ រួមទាំងគណៈប្រតិភូ បានអញ្ជើញទៅទស្សនាវិមានឈ្នះ-ឈ្នះ របស់កម្ពុជាដោយផ្ទាល់ កាលពីព្រឹកថ្ងៃទី១៥ ខែឧសភា ឆ្នាំ២០១៩។

នៅក្នុងឱកាសនោះដែរ លោក ណឹម សុវត្ថិ អគ្គនាយកនយោបាយកិច្ចការបរទេសនៃក្រសួងការពារជាតិ បានបញ្ជាក់ថា សំណង់វិមានឈ្នះឈ្នេះ នៃការបញ្ចប់សង្គ្រាមពេញលេញនៅប្រទេសកម្ពុជា។ គណៈប្រតិភូនាយករដ្ឋមន្ត្រីនេប៉ាល់ មកទស្សនាវិមានឈ្នះឈ្នះ ចង់ឃើញភស្ដុតាងជាក់ស្ដែងថែមទៀត។

ក្នុងរយៈពេល៥ខែនេះ មានថ្នាក់ដឹកនាំជាន់ខ្ពស់ជាច្រើនបានមកធ្វើទស្សនកិច្ចនៅវិមានឈ្នះឈ្នះ មានថ្នាក់រដ្ឋមន្ត្រីការពារជាតិ ឧបនាយករដ្ឋមន្ត្រី និងគណៈប្រតិភូមន្ត្រីជាន់ខ្ពស់នៃប្រទេសជាច្រើនទៀត បានមកទស្សនាវិមានឈ្នះឈ្នះ គណៈប្រតិភូជាន់ខ្ពស់ដែលបានមកទស្សនាវិមានឈ្នះឈ្នះ មានចំនួនជាង ២០ប្រទេសហើយ។

លោកបន្តថា នេះគឺជាថ្ងៃប្រវត្តិសាស្ត្រមាស ដែលនាយករដ្ឋមន្ត្រីនេប៉ាល់ បានដឹកនាំគណៈប្រតិភូជាន់ខ្ពស់មកបំពេញទស្សនកិច្ចនៅវិមានឈ្នះឈ្នះ។

វិមានឈ្នះឈ្នះបានទទួលការចាប់អារម្មណ៍ពីសំណាក់អ្នកស្រាវជ្រាវយុទ្ធសាស្ត្រល្បីៗនៅលើពិភពលោកបានមកសិក្សាស្វែងយល់អំពីអត្ថន័យនៃវិមានឈ្នះឈ្នះ។ អ្នកយុទ្ធសាស្ត្រល្បីៗដែលបានមកពីសហរដ្ឋអាមេរិក, សហភាពអឺរ៉ុប, អាមេរិកឡាទីន។អភិក្រមឈ្នះឈ្នះរបស់កម្ពុជាបានក្លាយទៅជានយោបាយឈ្នះឈ្នះ របស់បណ្ដាប្រទេសមួយចំនួនក្នុងការផ្សះផ្សាជាតិរួមទាំងការបញ្ចប់សង្គ្រាមនៅតាមបណ្ដាប្រទេសមួយចំនួនលើពិភពលោក៕

អត្ថបទ៖ សោភា