សម្ដេចហ៊ុន សែន ប្រកាសដំណឹងសន្តិសុខជាតិបន្ទាន់
- 2019-05-16 14:20:24
- ចំនួនមតិ 0 | ចំនួនចែករំលែក 0
សម្ដេចហ៊ុន សែន ប្រកាសដំណឹងសន្តិសុខជាតិបន្ទាន់
ចន្លោះមិនឃើញ
សម្ដេចនាយករដ្ឋមន្រ្ដី ហ៊ុន សែន នាវេលារាត្រីថ្ងៃទី១៦ ខែឧសភានេះ បានប្រកាសថាមានក្រុមហ៊ុនមួយ បានយកឈ្មោះ និងរូបថតរបស់សម្ដេច យកទៅបង្ហោះលើវិបសាយរបស់ខ្លួន ថាសម្ដេចបានគាំទ្រ និងចូលរួមសម្ពោធកាត់ខ្សែបូក្រុមហ៊ុន នៅថ្ងៃទី២០ ខែឧសភា ឆ្នាំ២០១៩។
ដោយដាក់ចំណងជើងថា "ដំណឹងសន្តិសុខជាតិបន្ទាន់" សម្ដេច បានសរសេរទាំងស្រុង ដូចខាងក្រោម៖
"កាលពីពេលថ្មីៗនេះ មានក្រុមហ៊ុន ឈ្មោះ GCG Asia Co., LTD បានយករូបថតខ្ញុំ និងឈ្មោះខ្ញុំ ទៅបង្ហោះនៅក្នុង Website របស់ក្រុមហ៊ុន http://gcgasiacoin.com/ ដែលនិយាយថា ខ្ញុំជាអ្នកគាំទ្រ និងចូលរួមសម្ពោធកាត់ខ្សែបូក្រុមហ៊ុន នៅក្នុងប្រទេសកម្ពុជានៅថ្ងៃទី ២០ ខែ ឧសភា ២០១៩។ ទន្ទឹមនឹងនោះ ក្រុមហ៊ុននេះ បានយកឈ្មោះធនាគារជាតិ និងធនាគារចិននៅកម្ពុជាថាជាដៃគូទទួលខុសត្រូវក្នុងជំនួញដូរលុយក្នុងរូបភាពគ្រីបតូឃឺរិនស៊ី (Crypto Currency)។ តាមព័ត៌មានពីស្ថានទូតឥណ្ឌូណេស៊ីនៅកម្ពុជាគឺបញ្ជាក់ថា GCG Asia ជាក្រុមហ៊ុនរកស៊ីមិនត្រឹមត្រូវហើយត្រូវបានដាក់ចូលក្នុង Black List"។
សម្ដេចតេជោ បានបន្តថា៖
"ក្នុងនាមខ្ញុំជានាយករដ្ឋមន្រ្តីនៃព្រះរាជាណាចក្រកម្ពុជា ខ្ញុំសូមបដិសេធន៍ព័ត៌មានដែលផ្សាយក្នុងវេបសាយរបស់ក្រុមហ៊ុនខាងលើនេះគឺមិនពិតទេ។ សូមអាជ្ញាធរ និងសមត្ថកិច្ចពាក់ព័ន្ឋទាំងអស់ពិនិត្យតាមដាន និងស្រាវជ្រាវរកមុខជនខិលខូចយកមកផ្តន្ទារទោសតាមច្បាប់ជាធរមានជាបន្ទាន់។ សូមបងប្អូនប្រជាពលរដ្ឋ និងពាណិជ្ជករទាំងក្នុងនិងក្រៅប្រទេសមានការប្រុងប្រយ័ត្នខ្ពស់ ចំពោះការទិញដូរប្រាក់ដែលគ្មានការអនុញ្ញាត្តិពីរាជរដ្ឋាភិបាលកម្ពុជា"៕
ខ្លឹមសារទាំងស្រុងរបស់សម្ដេចហ៊ុន សែន៖
រូបភាពដែលវិបសាយនោះយកទៅបង្ហោះលើវែបសាយ៖