រដ្ឋមន្រ្តីការបរទេសចិន៖ មនុស្សមួយចំនួននៅអាមេរិក ប៉ុនប៉ងបង្អាក់ដំណើរអភិវឌ្ឍន៍របស់ចិន

2019-05-23 04:08:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វ៉ាង យី រដ្ឋមន្រ្តីការបរទេសចិន បាននិយាយថា មនុស្សមួយចំនួននៅអាមេរិក មិនចង់ឱ្យចិនមានសិទ្ធិស្របច្បាប់ក្នុងការអភិវឌ្ឍ និងប៉ុនប៉ងរារាំងដំណើរការអភិវឌ្ឍន៍របស់ចិន។ ការថ្លែងនេះ ធ្វើឡើងក្នុងអំឡុងសន្និសីទមួយស្តីពីកិច្ចប្រជុំក្រុមប្រឹក្សារដ្ឋមន្រ្តីការបរទេសនៃអង្គការសហប្រតិបត្តិការសៀងហៃ នាថ្ងៃទី២៣ ខែឧសភា ឆ្នាំ២០១៩។

លោក វ៉ាង យី ថ្លែងនាពេលកន្លងមក (រូបថត៖ AFP)

លោកចោទថា៖ «**នេះជាការសម្លុតរករឿងក្នុងផ្លូវសេដ្ឋកិច្ច។ វិធីសាស្រ្តក្រអឺតក្រទមរបស់អាមេរិកបែបនេះ នឹងមិនឈ្នះនូវការទទួលស្គាល់ និងការគាំទ្ររបស់សហគមន៍អន្តរជាតិមកលើចិនឡើយ**»។

សូមជម្រាបថា ក្រុមប្រឹក្សារដ្ឋមន្រ្តីការបរទេសនៃអង្គការសហប្រតិបត្តិការសៀងហៃ បានអនុម័តនូវសេចក្តីថ្លែងការណ៍រួមមួយ ដែលសមាជិកនៃអង្គការនេះរួមគ្នាប្រឆាំងនូវគ្រប់ទម្រង់ទាំងអស់នៃភាពឯកតោភាគីនិយម និងការគាំពារនិយមពាណិជ្ជកម្ម។ សេចក្តីថ្លែងការណ៍រួមនេះ ក៏បានបញ្ជាក់ពីការប្រឆាំងនឹងការអនុវត្តរើសអើងប្រឆាំងនឹងកិច្ចសហប្រតិបត្តិការអន្តរជាតិដែលផ្តល់ផលប្រយោជន៍ឱ្យគ្នាទៅវិញទៅមក នៅក្នុងវិស័យសេដ្ឋកិច្ចឌីជីថល និងបច្ចេកវិទ្យាទំនាក់ទំនង ក្រោមបរិបទណាមួយ៕

ប្រភព៖ Xinhua ប្រែសម្រួល៖ សំភី