ពិព័ណ៌មិនអចិន្ត្រៃយ៍ ៤០ឆ្នាំការចងចាំជនរងគ្រោះ ស-២១ រៀបចំឡើងក្នុងគោលបំណង ៤

2019-08-20 02:08:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងវប្បធម៌ និងវិចិត្រសិល្បៈ បានសម្ពោធពិពណ៌មិនអចិន្ត្រៃយ៍ស្តីពី ៤០ឆ្នាំ៖ ការចងចាំជនរងគ្រោះ ស-២១ នៅសារមន្ទីរទួលស្លែង កាលពីព្រឹកថ្ងៃទី១៩ ខែសីហា ឆ្នាំ២០១៩ កន្លងទៅ។

ការសម្ពោធពិពណ៌មិនអចិន្ត្រៃយ៍ស្តីពី ៤០ឆ្នាំ៖ ការចងចាំជនរងគ្រោះ ស-២១ នេះដែរ លោក ស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានបញ្ជាក់ថា ពិព័រណ៍នេះ រៀបចំឡើងក្នុងគោលបំណង ៤ចំណុច គឺ៖

១. គោរព រម្លឹក និង ចងចាំដល់វិញ្ញាណក្ខន្ធជនរងគ្រោះដែលបាត់បង់ជីវិតដោយអយុត្តិធម៌នៅក្នុងសម័យខ្មែរក្រហម។

២. រម្លឹកខួបទី៤០ឆ្នាំ នៃការរៀបចំសារមន្ទីរឧក្រិដ្ឋកម្មប្រល័យពូជសាសន៍ទួលស្លែងក្រោយការដួលរលំរបស់ខ្មែរក្រហម។

៣. រម្លឹកដល់ការខិតខំប្រឹងប្រែងរបស់រាជរដ្ឋាភិបាល ថ្នាក់ដឹកនាំក្រសួងស្ថាប័ន បុគ្គលិកសារមន្ទីរទួលស្លែង និងជំនាញ ការជាតិ អន្តរជាតិ ដែលបានបូជាកម្លាំងកាយចិត្តក្នុងការរៀបចំសារមន្ទីរ សម្រាប់ការផ្សព្វផ្សាយឲ្យមនុស្សជំនាន់ក្រោយសិក្សារៀនសូត្រ និងចងចាំអំពីជនរងគ្រោះនៅមន្ទីរស-២១។

៤. ថ្លែងអំណរគុណចំពោះអង្គការ ឬស្ថាប័នជាតិ និងអន្តរជាតិទាំងអស់ដែលបានចូលរួមយ៉ាងសកម្មក្នុងការផ្សះផ្សាផ្លូវចិត្ត និងស្វែងរកយុត្តិធម៌ជូនដល់ជនរងគ្រោះនៅទូទាំងប្រទេស។

លោកស្រីបន្តថា អស់រយៈកាល ៤០ឆ្នាំមកនេះ កម្ពុជាបានជួបប្រទះព្យុះភ្លៀងជាច្រើនមុននឹងទទួលបាននូវសុខសន្តិភាពពេញលេញដូចពេលបច្ចុប្បន្ន។ បើទោះជាកម្ពុជាបានឆ្លងកាត់ភាពលំបាកវេទនាក្នុងការកសាងស្រុកទេស តាំងពីបាតដៃទទេ ប៉ុន្តែរាជរដ្ឋាភិបាលកម្ពុជាមិនដែលភ្លេចឡើយចំពោះជនរងគ្រោះរាប់លាននាក់ដែលបាត់បង់ជីវិតក្នុងសម័យខ្មែរក្រហម។

សកម្មភាពការងារទាំងនោះរួមមានការដាក់តាំងបង្ហាញវត្ថុតាង ការរៀបចំពិព័រណ៍មិនអចិន្ត្រៃយ៍ស្តីពីប្រវត្តិជនរងគ្រោះ ការរៀបចំកម្មវិធីសិក្ខាសាលាការផ្តល់ឯកសារសម្រាប់រៀបចំពិព័រណ៍អន្តរជាតិនៅសារមន្ទីរ Holocaust ការដាក់បញ្ចូលប័ណ្ណសារ សារមន្ទីរទួលស្លែងជាស្មារតីចងចាំនៃពិភពលោករបស់អង្គការយូណេស្កូ៕

ចុចអាន៖

អត្ថបទ៖ កុសល