ពីថ្ងៃនេះ អាចទិញផ្លាកលេខពិសេស ដែលក្រសួងបញ្ចុះតម្លៃរហូតដល់ ១០០%

2019-08-26 02:41:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីចុងសប្ដាហ៍កន្លងទៅ ក្រសួងសាធារណការ និងដឹកជញ្ជូនបានចេញនូវប្រកាសអន្តរក្រសួង ស្ដីពីការលក់លេខចុះបញ្ជីរថយន្តគ្រួសារ និងរថយន្តធុនស្រាល ដោយចាប់ពីថ្ងៃទី ២៦ សីហានេះ ប្រជាពលរដ្ឋអាចទទួលបានការបញ្ចុះតម្លៃលើការទិញផ្លាកលេខស៊េរីចាស់មួយចំនួន ដែលមានការចុះថ្លៃមានចាប់ពី ៥០% ដល់ ១០០% ឯណោះ។

ចំពោះការបញ្ចុះតម្លៃលើផ្លាកលេខពិសេសមានចែកចេញជា ៥ ករណីដូចខាងក្រោម ៖

ថយចាប់ពី ១ ស៊េរី ៖ បញ្ចុះថ្លៃ ៥០%
ថយចាប់ពី ២ ស៊េរី៖ បញ្ចុះថ្លៃ ៧៥%
ថយចាប់ពី ៣ ស៊េរី៖ បញ្ចុះថ្លៃ ៩០%
ថយចាប់ពី ៤ ស៊េរី៖ បញ្ចុះថ្លៃ ៩៥%
ថយចាប់ពី ៥ ស៊េរីទៅ៖ បញ្ចុះថ្លៃ ១០០% (មិនគិតថ្លៃ)

ការថយស៊េរីនេះគឺមានន័យថា ស្លាកលេខដែលមានស៊េរីទាបជាងផ្លាកលេខដែលក្រសួងកំពុងលក់នាពេលបច្ចុប្បន្ន។ ឧទាហរណ៍ថាផ្លាកលេខដែលក្រសួងលក់បច្ចុប្បន្នគឺ 2BC ហេតុនេះ បើថយមួយស៊េរីគឺ 2BB។ ប្រសិនបើពលរដ្ឋសម្រេចទិញយកផ្លាកលេខពិសេសនៃស៊េរី 2BA ណាមួយ នឹងទទួលបានបញ្ចុះតម្លៃ ៥០% នៃតម្លៃដើម។

ចំពោះផ្លាកលេខពិសេសនេះដែរ គឺមានចែកចេញជាច្រើនប្រភេទ រួមមាន លេខទាំងបួនខ្ទង់ជាលេខដូចគ្នា (លេខការ៉េ), លេខទាំងបួនខ្ទង់ជាលេខរៀងគ្នាតាមលំដាប់ឡើង, មានលេខ 168 ស្ថិតនៅបីខ្ទង់ខាងចុង ឬ លេខពីរខ្ទង់ខាងដើម និងលេខពីរខ្ទង់ខាងចុងជាលេខគូជាដើម។ តម្លៃផ្លាកលេខពិសេសមានកំណត់តម្លៃលក់ខុសៗគ្នាទៅតាមតំបន់។ ចង់ដឹងអំពីតម្លៃផ្លាកលេខពិសេស អាចចូលឆែកមើលនៅលើគេហទំព័រទិញលេខ និងចុះបញ្ជីរបស់ក្រសួង https://vehicle.mpwt.gov.kh/៕

ចុចអាន ៖ បើទិញលេខពិសេសថយពី ៥ ស៊េរីទៅ ក្រសួងលក់មិនគិតថ្លៃ

អត្ថបទ៖ សុខហេង