មនុស្សអច្ឆរិយៈទាំង១០ ដែលអ្នកកម្រជួបប្រទះ

2019-09-05 07:43:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មនុស្សគ្រប់គ្នា ប្រាកដជាធ្លាប់បានទស្សនារឿងតុក្កតាអច្ឆរិយ ឬមានសមត្ថភាពពិសេសរួចមកហើយ។ ប៉ុន្តែ អ្នកប្រហែលជាមិនធ្លាប់បានដឹង និងស្គាល់ មនុស្សដែលមានសមត្ថភាពពិសេសនៅក្នុងពិភពលោកយើងនោះទេ។

ខាងក្រោមនេះ គឺជាមនុស្សអច្ឆរិយទាំង ១០ កម្រប្រទះអ្នកមានសមត្ថភាពដូច៖

១. បុរសដែកឆក់

បុរសជនជាតិចិនឈ្មោះ Liew Thow Lin ត្រូវបានគេស្គាល់ថា ជាមនុស្សដែកឆក់ ដែលលោកអាចឆក់វត្ថុធាតុដែកនានាឲ្យជាប់នឹងខ្លួនបាន។ អ្នកវិទ្យាសាស្ត្រ មកពីសកលវិទ្យាល័យបច្ចេកវិទ្យា ម៉ាឡេស៊ី បានរកឃើញថា ស្បែករបស់លោក Liew មានកម្រិតកកិតខ្លាំង ដែលធ្វើឲ្យវាមានប្រសិទ្ធភាពក្នុងការឆក់លោហៈធាតុ។

២. បុរសខ្លួនកៅស៊ូ

លោក Daniel Browning Smith បានបំបែកកំណត់ត្រាពិភពលោក ជាមនុស្សដែលអាចពត់ខ្លួនបានខ្លាំងបំផុត។ សមត្ថភាពពិសេសរបស់លោក បានកើតឡើងតាមរយៈជម្ងឺផ្លាស់ប្ដូរហ្សែន ដែលហៅថា(hyperhmobile Ehlers-Danlos syndrome)។ ទោះជាយ៉ាងណា វាក៏អាចបង្កឲ្យមានការឈឺចាប់ធ្ងន់ធ្ងរផងដែរ ប៉ុន្តែលោក Daniel មានការឈឺចាប់បន្តិចបន្តួចប៉ុណ្ណោះ។

៣. មនុស្សរត់លើទឹក

ព្រះសង្ឃសៅល៉ីងមួយអង្គ ព្រះនាម Shi Liang គឺជាមនុស្សមានសមត្ថភាពពិសេស ដែលអាចរត់នៅលើទឹករហូតដល់រយៈចំងាយ ១២៥ ម៉ែត្រ និងបានបំបែកកំណត់ត្រាពិភពលោកកាលពីឆ្នាំ ២០១៥។

៤. បុរសមិនដែលដេក

បុរសជនជាតិវៀតណាមម្នាក់ឈ្មោះ Ngoc បានកើតនៅឆ្នាំ ១៩៤២ និងមានជំងឺគេងមិនលក់ធ្ងន់ធ្ងរ ដែលជាហេតុធ្វើឲ្យលោក មិនបានដេកអស់រយៈពេល ៤៣ឆ្នាំ។ ទោះជាយ៉ាងណាក៏ដោយ លោក Ngoc នៅតែមានសតិអារម្មណ៍ប្រក្រតី និងអាចធ្វើការធ្ងន់បានជាធម្មតា។

៥. កំពូលមនុស្សពូកែចាំ

លោក Stephen Wiltshire ជាវិស្វករជនជាតិអង់គ្លេសម្នាក់ ត្រូវបានទទួលស្គាល់សម្រាប់ការចងចាំរបស់ខ្លួន។ លោកអាច គូរទេសភាពណាមួយឡើងវិញទាំងស្រុង ដោយគ្រាន់តែសម្លឹងមើលរយៈពេលខ្លីប៉ុណ្ណោះ។ កាលពីក្មេង លោក Stephen ត្រូវបានគេពិនិត្យឃើញថា មានរោគសញ្ញា Savant ដែលជាហេតុធ្វើឲ្យ លោកមានទេពកោសល្យ នៃការចងចាំ។

៦. កំពូលមនុស្សធ្មេញមាំ

លោក Rathakrishnan Velu ជនជាតិឥណ្ឌា បានបំបែកកំណត់ត្រា ប្រើធ្មេញទាញរថភ្លើងទម្ងន់ ២៦០ តោន ក្នុងចម្ងាយ ៤,២ម៉ែត្រ។ លោកត្រូវបានទទួលស្គាល់ថា ជាមនុស្សមានធ្មេញមាំបំផុតក្នុងពិភពលោក។

៧. មនុស្សមិនខ្លាចរងា

លោក Wim Hof គឺជាមនុស្សដែលមិនស្គាល់ភាពក្តៅ និងរងានោះទេ។ លើសពីនេះទៀត លោក គឺជាអ្នកនិពន្ធសៀវភៅ Wim Hof Method ដែលបង្ហាញពីវិធីសាស្ត្រហ្វឹកហាត់ស្មារតី និងរាងកាយ ដើម្បីប្រឆាំងនឹងសីតុណ្ហភាពផងដែរ។

៨. មនុស្សប្រជៀវ

កាលពីក្មេង លោក Ben Underwood បានកើតជំងឺមហារីកម្យ៉ាងដែលធ្វើឲ្យលោកពិការភ្នែកទាំងសងខាង។ ក្រោយមក ម្ដាយរបស់ Ben បានសម្គាល់ឃើញថា គេអាចលេងហ្គេម, ជិះកង់, ជិះស្គី, ឡើងដើមឈើ និងធ្វើអ្វីគ្រប់យ៉ាងទាំងអស់ តាមរយៈការប្រើប្រាស់សំឡេងចុច ប្រៀបដូចជាប្រជៀវដែលរស់ក្នុងរូងងងឹតអញ្ចឹង។

៩. កំពូលអ្នកបរិភោគមិនរើស

បុរសជនជាតិបារាំងឈ្មោះ Michel Lotito មានសមត្ថភាពពិសេសអាចបរិភោគរបស់គ្រប់យ៉ាងដូចជា ជ័រ, ដែក និងកែវ។ លោក Michel ត្រូវបានទទួលភាពល្បីល្បាញខ្លាំង នៅគ្រាមួយដែលលោកបរិភោគយន្តហោះ។

១០. បុរសមិនខ្លាចសត្វសាហាវ

អ្នកថែរក្សាសួនសត្វម្នាក់ឈ្មោះ Kevin Richardson ត្រូវបានគេទទួលស្គាល់សម្រាប់សមត្ថភាពពិសេសរបស់លោក ដែលអាចមិនទំនាក់ទំនងយ៉ាងជិតស្និទ្ធ និងមិនខ្លាចសត្វព្រៃកាចសាហាវ។ ដូចដែលអ្នកបានឃើញក្នុងរូបភាពខាងលើ លោក Kevin កំពុងប្រលែងលេងជាមួយសត្វសាហាវដូចជា តោ, ខ្លា និង ឆ្កែព្រៃជាដើម៕

ប្រភព៖ Brightside ប្រែសម្រួល៖ រ័ត្ន