លោក ហ៊ុន ម៉ានី ផ្ញើពាក្យប៉ុន្មានម៉ាត់ជូនអ្នកជាប់បាក់ឌុប
- 2019-09-09 09:46:35
- ចំនួនមតិ 0 | ចំនួនចែករំលែក 0
លោក ហ៊ុន ម៉ានី ផ្ញើពាក្យប៉ុន្មានម៉ាត់ជូនអ្នកជាប់បាក់ឌុប
ចន្លោះមិនឃើញ
លោក ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា និងជាប្រធានសហភាពសហព័ន្ធយុវជនកម្ពុជា បានបង្ហាញការអបអរសាទរដល់សិស្សដែលទទួលបានលទ្ធផលល្អនៃការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៩នេះ។
លោកបានបង្ហោះនៅលើទំព័រហ្វេសប៊ុកយ៉ាងដូច្នេះថា៖ «ជោគជ័យថ្ងៃនេះ ជាការចាប់ផ្តើមជំហានថ្មីមួយទៀតសម្រាប់អាជីពការងារ និងវិជ្ជាជីវៈរបស់ខ្លួន។ ចាប់ពីថ្ងៃនេះតទៅ ជាពិសេសក្នុងបរិបទសង្គមស៊ីវីល័យដែលមានការវិវឌ្ឍយ៉ាងឆាប់រហ័ស ប្អូនៗគួរបន្តសិក្សាស្វែងរកចំណេះដឹងកម្រិតឧត្តមសិក្សា និងចាប់យកជំនាញគោលមួយសម្រាប់គោលដៅជីវិត និងដើម្បីធ្វើយ៉ាងណាជាចលករដ៏មានសក្តានុពល ហើយក្លាយទៅជាប្រជាពលរដ្ឋឆ្នើមរបស់កម្ពុជា»។
ជាមួយគ្នានេះ លោក ហ៊ុន ម៉ានី ក៏លើកទឹកចិត្តដល់ប្អូនៗដែលមិនទាន់ទទួលបានជោគជ័យនៅថ្ងៃនេះ ត្រូវប្រឹងប្រែងហាត់ពត់លត់ដំខ្លួនបន្ថែម ដាក់អាទិភាពលើការសិក្សាឱ្យបានច្រើន សម្រាប់ការប្រឡងលើកក្រោយ និងដើម្បីទទួលបានជោគជ័យនៅថ្ងៃខាងមុខជាបន្តបន្ទាប់៕