ហ្វូសុីល ៣ប្រភេទ បញ្ជាក់ថា ខេត្តបន្ទាយមានជ័យ និងមណ្ឌលគីរី ធ្លាប់ជាបាតសមុទ្រ

2019-09-11 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ហ្វូសុីលសត្វសមុទ្រនៅបន្ទាយមានជ័យ និងមណ្ឌលគីរី - តើតំបន់ទាំងនោះធ្លាប់ជាបាតសមុទ្រ?

ហ្វូសុីលសត្វសមុទ្រ ត្រូវបានអ្នកជំនាញប្រទះឃើញនៅតាមតំបន់អភិរក្សនៅក្នុងខេត្តបន្ទាយមានជ័យ និងមណ្ឌលគីរី។ ហ្វូសុីលខ្យងអាម៉ូនីត (Ammonite) ជាប្រភេទសត្វ ដែលស្ថិតនៅ ក្នុងសាខានៃពពួកខ្យង និងពពួកមឹក តាមការពិនិត្យបឋម ទំហ៊ំសត្វទាំងនេះមានដល់២៥ស.ម។ ពូជប្រភេទនេះត្រូវបានរកឃើញនៅឆ្នាំ២០១៩ ក្នុងដែនជម្រកសត្វព្រៃស្រែពក ភ្នំពីរ ។ ស្វតទាំងេនះកើតឡើងនៅក្នងសម័យមេសូស្យូអ៊ីក(ស័កទី២) នៅចន្លោះ ២២៥លាន ដល់ ៦៥លានឆ្នាំមុន។

ប្រាឆូប៉ូត (Brachiopod) ត្រូវបានរកឃើញនៅ ខេត្តបន្ទាយមានជ័យ នៅភ្នំបាក់ ភ្នំស្វាយ និងភ្នំដូងព្រះ។

ងាវទាំងនេះបានរកឃើញ នៅស្រទាប់ខាងលើ និងខ្លះរកឃើញនៅស្រទាប់ជ្រៅជម្រៅប្រមាណ៤០ម៉ែត្រ។ ដែលស្ថិតនៅក្នុងសម័យ ប៉ាលេអូសូអ៊ីក ៥៧០លាន-២២៥លានឆ្នាំ(ស័កទី១)។ ប្រភេទខ្លះមានរាងសំប៉ែត និងប្រភេទខ្លះរាងប៉ោង។

ផ្កាថ្មស្នែង (Rugosa or Tetracorallia) ជាប្រភេទសត្វ ដែលស្ថិតនៅក្នុងសាខានៃពពួកផ្កាថ្ម ដែលមានរូបរៀងដូចស្នែងវាមានទំហ៊ំតូចៗប៉ុនមេដៃ។ ពូជប្រភេទនេះត្រូវបានរកឃើញនៅខេត្តបន្ទាយមានជ័យ នៅឆ្នាំ២០១៩ នៅភ្នំបាក់ ភ្នំជញ្ជាំងដែលស្ថិតនៅស្រទាប់ជ្រៅមួយ បើសិនយើងរាប់ស្រទាប់ដីនៅភ្នំបាក់វិញ ហ្វូស៊ីលនេះស្ថិតនៅប្រហែលជាង១០០ ម ស្រទាប់ទៅក្រោម។ ហ្វូស៊ីលរ៉ូកូសា កើតឡើងនៅក្នងសម័យប៉ាលេអូសូអ៊ីក នៅចន្លោះ ៥៧០លាន ដល់ ២២៥លានឆ្នាំ។