ការកកស្ទះចរាចរណ៍នៅស្ពានជ្រោយចង្វារ នឹងស្បើយជាងមុន
- 2019-09-16 01:31:41
- ចំនួនមតិ 0 | ចំនួនចែករំលែក 0
ការកកស្ទះចរាចរណ៍នៅស្ពានជ្រោយចង្វារ នឹងស្បើយជាងមុន
ចន្លោះមិនឃើញ
មន្ទីរសាធារណការ និងដឹកជញ្ជូនរាជធានីភ្នំពេញ បានប្រកាសថា ស្ពានបាឡេឫស្សីកែវ នឹងដាក់ឱ្យដំណើរការឡើងវិញនៅព្រឹកថ្ងៃទី១៦ ខែកញ្ញា ឆ្នាំ២០១៩នេះឡើងវិញ។
មន្ទីរសាធារណការបន្តថា ដោយការខិតខំប្រឹងប្រែងរបស់វិស្វករ និងបងប្អូនកម្មករការដ្ឋានទាំងថ្ងៃ ទាំងយប់ មកដល់ពេលនេះ ការជួសជុលស្ពានបាឡេឡើងវិញបានបញ្ចប់រួចរាល់ហើយ។ «សូមអញ្ជើញបងប្អូនប្រជាពលរដ្ឋធ្វើដំណើរឆ្លងកាត់ស្ពានបាឡេប្រកបដោយសេចក្តីរីករាយក្នុងឱកាសបុណ្យភ្ជុំបិណ្ឌ ហើយសង្ឃឹមថា ស្ពានជ្រោយចង្វារដែលកកស្ទះប៉ុន្មានថ្ងៃមកនេះ នឹងកាត់បន្ថយការកកស្ទះចរាចរណ៍ វិលមកប្រក្រតីឡើងវិញ»។
សូមរំលឹកថា ស្ពាននេះត្រូវបានផ្អាកចរាចរណ៍ជាបណ្តោះអាសន្នបន្ទាប់ពីមានឧបទ្ទេវហេតុកើតឡើងបង្កដោយសាឡង់ដឹកប្រេងបុកប៉ះទង្គិច កាលពីរសៀល ថ្ងៃទី១០ ខែកញ្ញា ឆ្នាំ២០១៩៕