យន្តហោះទម្លាក់គ្រាប់បែករុស្ស៊ី បង្កើតប្រវត្តិសាស្រ្តថ្មីមួយមិនធ្លាប់មាន (មានវីដេអូ)
- 2019-10-24 03:11:09
- ចំនួនមតិ 0 | ចំនួនចែករំលែក 0
យន្តហោះទម្លាក់គ្រាប់បែករុស្ស៊ី បង្កើតប្រវត្តិសាស្រ្តថ្មីមួយមិនធ្លាប់មាន (មានវីដេអូ)
ចន្លោះមិនឃើញ
យន្តហោះទម្លាក់គ្រាប់បែក Tu-160 របស់រុស្ស៊ីចំនួន២គ្រឿង បានចុះចតនៅមូលដ្ឋានទ័ពអាកាស Waterkloof ក្នុងក្រុង Pretoria ប្រទេសអាហ្វ្រិកខាងត្បូង កាលពីថ្ងៃទី២៣ ខែតុលា ឆ្នាំ២០១៩។ នេះជាការចុះចតលើកដំបូងបំផុតក្នុងប្រវត្តិរបស់យន្តហោះទម្លាក់គ្រាប់បែកនេះ នៅលើទឹកដីអាហ្វ្រិក។
មិនតែប៉ុណ្ណោះ ការចុះចតយន្តហោះនេះ ធ្វើឡើងខណៈដែលប្រធានាធិបតីរុស្ស៊ី បានបើកកិច្ចប្រជុំកំពូលជាមួយមេដឹកនាំអាហ្វ្រិកជាលើកដំបូង ក្នុងក្រុង Sochi ផងដែរ។ កិច្ចប្រជុំនេះ ត្រូវបានគេមើលឃើញថា ជាការពង្រីកឥទ្ធិពលរបស់រុស្ស៊ីចូលក្នុងទ្វីបអាហ្វ្រិក។
ក្រសួងការពារជាតិរុស្ស៊ី ឱ្យដឹងថា យន្តហោះ Tu-160 បានហោះចេញពីទីតាំងមិនស្គាល់មួយក្នុងប្រទេស ទៅចុះចតអាហ្វ្រិក ដោយចំណាយពេល ១៣ម៉ោង ក្នុងចម្ងាយ ១១ ០០០គីឡូម៉ែត្រ (ចាក់សាំងលើអាកាស)។ រុស្ស៊ីនឹងប្រើយន្តហោះនេះ ចូលរួមសមយុទ្ធយោធាជាមួយអាហ្វ្រិកខាងត្បូង៕
សូមទស្សនាវីដេអូ៖