ត្រៀមៗ! ព្យុះ «ម៉ាត់ម៉ូ» នឹងឆ្លងកាត់កម្ពុជា នៅថ្ងៃ១វិច្ឆិកាខាងមុខនេះហើយ

2019-10-30 06:50:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កូនព្យុះទី២២ ដែលមានឈ្មោះថា ម៉ាត់ម៉ូ (MATMO) នឹងធ្វើដំណើរទៅដល់ភាគខាងត្បូងវៀតណាម នៅថ្ងៃទី៣១ ខែតុលា ឆ្នាំ២០១៩ បន្ទាប់មកនឹងកាត់លើភាគខាងត្បូងកម្ពុជា នៅថ្ងៃទី១ ខែវិច្ឆិកា ឆ្នាំ២០១៩។ ប៉ុន្តែកូនព្យុះនេះ នឹងបន្ថយឥទ្ធិពលរបស់ទៅជាសម្ពាធទាបសកម្មវិញ នៅពេលធ្វើដំណើរកាត់កម្ពុជា។ នេះបើតាមសេចក្តីជូនដំណឹងរបស់ក្រសួងធនធានទឹក និងឧតុនិយម កាលពីថ្ងៃទី២៨ ខែតុលាកន្លងទៅ។

លក្ខណៈបែបនេះ នឹងធ្វើឱ្យអាកាសធាតុកម្ពុជាចាប់ពីថ្ងៃទី១ ដល់ ៧ ខែវិច្ឆិកា ឆ្នាំ២០១៩ មានស្ថានភាពដូចខាងក្រោម៖

១. បណ្តារាជធានី-ខេត្ត នឹងមានភ្លៀងធ្លាក់រាយប៉ាយជាបន្តបន្ទាប់ ក្នុងនោះតំបន់វាលទំនាបកណ្តាល និងតំបន់មាត់សមុទ្រ នឹងអាចមានភ្លៀងធ្លាក់រាយប៉ាយ ក្នុងកម្រិតបរិមាណពីបង្គួរទៅច្រើន។

២. បណ្តាខេត្តដទៃទៀត នឹងអាចមានភ្លៀងធ្លាក់រាយប៉ាយ នៅក្នុងកម្រិតបរិមាណពីមធ្យម ទៅបង្គួរ។

ជាមួយគ្នានេះ ក្រសួងក៏បានអំពាវនាវឱ្យបង្កើនការប្រុងប្រយ័ត្នខ្ពស់ ចំពោះគ្រោះថ្នាក់នានាដែលបង្កដោយបាតុភូតអាកាសធាតុនេះ៕

អត្ថបទ៖ សំភី