ខេត្តព្រះសីហនុ ឡើងឈរលេខ១ ក្រោយរកឃើញករណីឆ្លងកូវីដ១៩ ចំនួន៣១នាក់យប់មិញ
- 2020-03-23 00:41:47
- ចំនួនមតិ 0 | ចំនួនចែករំលែក 0
ខេត្តព្រះសីហនុ ឡើងឈរលេខ១ ក្រោយរកឃើញករណីឆ្លងកូវីដ១៩ ចំនួន៣១នាក់យប់មិញ
ចន្លោះមិនឃើញ
ខេត្តព្រះសីហនុ ត្រូវបានរកឃើញករណីឆ្លងកូវីដ១៩ ចំនួន៣៤នាក់ហើយ ក្នុងនោះ ៣១នាក់ត្រូវបានរកឃើញកាលពីយប់ថ្ងៃទី២២ ខែមីនា ឆ្នាំ២០២០ ដែលនេះគឺជាចំនួនច្រើនជាងគេ ក្នុងចំណោមរាជធានីខេត្តនៅកម្ពុជា ដែលរកឃើញជំងឺនេះ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល។
បន្ទាប់មក គឺរាជធានីភ្នំពេញដែលមានអ្នកឆ្លងកូវីដ១៩ ចំនួន ១១នាក់, ខេត្តកំពង់ចាម ១០នាក់ និងបាត់ដំបង ៨នាក់។ ក្រៅពីនោះរួមមានខេត្តកែប ត្បូងឃ្មុំ កំពង់ឆ្នាំង សៀមរាប កំពត បន្ទាយមានជ័យ ព្រះវិហារ កោះកុង និងកណ្តាល។
ក្រសួងបញ្ជាក់ថា គិតត្រឹមយប់មិញថ្ងៃទី២២មីនា ករណីវិជ្ជមានវីរុសកូវីដ១៩ សរុបទាំងអស់មានចំនួន ៨៤នាក់ (ស្រី ២១នាក់ ប្រុស ៦៣នាក់) ដែលក្នុងនោះរួមមាន៖ ជនជាតិចិន ១នាក់ (ខេត្តព្រះសីហនុ បានជាសះស្បើយ) ,អង់គ្លេស ៣នាក់ (១នាក់ជាសះស្បើយ) កាណាដា ១នាក់, បែលហ្សិក ១នាក់ បារាំង ៣៣នាក់, ម៉ាឡេស៊ី ១២នាក់ និងខ្មែរ ៣៣នាក់៕