របរដាំស្មៅលក់របស់ប្រជាកសិករឃុំព្រៃផ្ដៅ ស្រុកព្រៃកប្បាស បានធ្វើឲ្យជីវភាពប្រសើរមួយកម្រិត

2017-05-29 02:45:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមប្រជាកសិករមួយចំនួននៅក្នុងឃុំព្រៃផ្ដៅ ស្រុកព្រៃកប្បាស បាននាំគ្នាងាកមកដាំស្មៅលក់នៅរដូវប្រាំង ខណៈពេលដែលការដាំស្មៅលក់នេះ បានធ្វើឲ្យស្ថានភាពជីវភាព របស់ពួកគាត់កាន់តែមានភាពប្រសើរឡើង។

រូបតំណាង

លោក មុត តូ មេឃុំព្រៃផ្ដៅ បានថ្លែងឲ្យដឹងថា ប្រជាពលរដ្ឋនៅក្នុងឃុំព្រៃផ្ដៅ ប្រមាណជាង៩០% ប្រកបរបបកសិកម្ម។ កន្លងមក បងប្អូនប្រជាកសិករបាននាំគ្នាធ្វើស្រូវធ្ងន់ ក៏ប៉ុន្តែតាមរយៈការចុះពន្យល់មន្ត្រីជំនាញកសិកម្មពួកគាត់បានងាកមកធ្វើស្រូវស្រាលជំនួសវិញ។ បច្ចុប្បន្ននេះ ប្រជាកសិករក្នុងឃុំបានចាប់ផ្ដើមដាំស្មៅលក់បន្ថែមពីការដាំដំណាំស្រូវក្នុងរដូវប្រាំង។ ការដាំស្មៅលក់នេះបានធ្វើឲ្យប្រជាពលរដ្ឋរកចំណូលបានខ្ពស់គួរសម ពោលគឺក្នុងមួយ ហិកតាពួកគាត់អាចប្រមូលចំណូលពី ៣លានរៀលទៅ ៤លានរៀល។

លោក ស៊ីម ម៉េត ប្រជាកសិករនៅក្នុងភូមិព្រៃភ្ញី ឃុំព្រៃផ្ដៅ ដែលប្រកបរបបដាំស្មៅលក់ ជាប្រភេទស្មៅបារាំង បានប្រាប់អោយដឹងថា ប្រជាកសិករក្នុងភូមិភាគច្រើនបាននាំគ្នាដាំស្មៅ លក់នៅក្នុងរដូវប្រាំង។ ការដាំស្មៅលក់ វាមានភាពងាយស្រួលជាងការដាំដំណាំស្រូវ ព្រោះវាប្រើពេល ១ខែកន្លះប៉ុណ្ណោះ យើងអាចកាត់យកលក់បានប្រមាណ ២ដង ហើយការប្រើប្រាស់ជីគឺអស់ប្រមាណ ៤០ម៉ឺនរៀលប៉ុណ្ណោះ ក្នុង១ហិកតា រីឯការប្រមូលផលវិញបានកម្រៃ ប្រមាណ ៣ទៅ ៤លានរៀល។

លោក បានបន្តថា តែទោះជាយ៉ាងណាការដាំស្មៅលក់នេះ អាចដាំតែរដូវប្រាំងប៉ុណ្ណោះ រីឯទីផ្សារវិញ មិនខ្វះនោះទេ គឺមានក្រុមឈ្មួញមកពីខេត្តកំពត ដែលដើរប្រមូលទិញយក ទៅលក់បន្តនៅខេត្តកំពត៕

ប្រភព៖ រស្មីកម្ពុជា ប្រែសម្រួល៖ វាសនា