ណាហ្គា ត្រៀមយុទ្ធសាស្ត្រអ្វីខ្លះ ដើម្បីយកឈ្នះ Balestier Khalsa យប់នេះ?

2017-05-31 03:33:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ណាហ្គាវើល នឹងត្រូវប្រកួតទល់នឹងក្រុម Balestier Khalsa របស់សិង្ហបុរី ក្នុងព្រឹត្តិការណ៍ Singapore Cup នាប្រទេសសិង្ហបុរី វេលាម៉ោង ៧:៣០ នាទី យប់នេះ។

ទាក់ទងនឹងយុទ្ធសាស្ត្រប្រកួត លោក មាស ចាន់ណា គ្រូបង្វឹកក្រុមណាហ្គាវើលបានឲ្យដឹងថា លោកបានត្រៀមកូនក្រុមរួចជាស្រេចដើម្បីស្វែងរកជ័យជម្នះ។ លោកបញ្ជាក់ថា ខ្លួនបានមើលវីដេអូពីការលេងរបស់ក្រុម Balestier រួចហើយ ដោយក្រុមនេះចូលចិត្តលេងការពារច្រើន រួចវាយបកវិញភ្លាមៗ។ ដូច្នេះ លោកនឹងរៀបចំរបៀបលេងដើម្បីកាត់ផ្តាច់ការវាយបកនេះ។ ជាពិសេស ណាហ្គាត្រៀមលេងដាក់សម្ពាធ ហើយតំបន់កណ្ដាលត្រៀមលោតកាត់ផ្តាច់ការវាយបកបាល់វែង។

ណាហ្គាវិល ហ្វឹកហាត់នៅសិង្ហបុរី

ចំពោះបញ្ហាកីឡាករ លោក មាស ចាន់ណា បញ្ជាក់ថា មិនមានកីឡាកររូបណារបួសអ្វីឡើយ។ គ្រូបង្វឹករូបនេះ រំពឹងខ្ពស់ក្នុងការឡើងទៅវគ្គបន្ត។

គួរបញ្ជាក់ថា ក្រុមមកពីលីគកំពូលកម្ពុជា មាន ២ក្រុមបានចូលរួមការប្រកួត Singapore Cup 2017 នេះ។ ក្នុងនោះ ក្រុមបឹងកេត បានឈានទៅវគ្គ ៨ក្រុមហើយ បន្ទាប់ពីយកឈ្នះក្រុម Warriors FC កាលពីម្សិលម្ងៃ ក្នុងលទ្ធផល ៤-១៕