លោក Leonardo បង្ហាញចំណុចខ្លាំងឥណ្ឌូណេស៊ី
- 2017-06-07 06:19:46
- ចំនួនមតិ 0 | ចំនួនចែករំលែក 0
លោក Leonardo បង្ហាញចំណុចខ្លាំងឥណ្ឌូណេស៊ី
ចន្លោះមិនឃើញ
គ្រូបង្វឹកក្រុមបាល់ទាត់ជម្រើសជាតិកម្ពុជា លោក Leonardo Vitorino បានប្រាប់ពីចំណុចខ្លាំងរបស់ក្រុមឥណ្ឌូណេស៊ី ដែលកូនក្រុមរបស់លោកត្រូវមានការត្រៀមខ្លួនដើម្បីតទល់គ្នា ក្នុងការប្រកួតមិត្តភាពអន្តរជាតិរវាងប្រទេសទាំងពីរ នាថ្ងៃទី៨ ខែមិថុនា វេលាម៉ោង ៦:៣០ នាទីល្ងាចស្អែកនេះ។
បុរសជនជាតិប្រេស៊ីលខាងលើ បានពន្យល់នៅក្នុងសន្និសីទសារព័ត៌មាននៅព្រឹកថ្ងៃទី៧ ខែមិថុនានេះថា ជម្រើសជាតិឥណ្ឌូណេស៊ី ជាក្រុមដែលកំពុងតែរីកចម្រើនពីមួយថ្ងៃទៅមួយថ្ងៃ ហើយសំបូរទៅដោយកីឡាករយុវជន។ ទាក់ទងនឹងបញ្ហានេះ លោកមើលឃើញថា ក្រុមនេះមានខ្សែបម្រើកណ្ដាល ខ្សែការពារស្លាបឆ្វេង និងអ្នកចាំទី វ័យក្មេងដែលមានសមត្ថភាពខ្ពស់។
សូមបញ្ជាក់ថា ក្រុមចំណោមកីឡាករជម្រើសជាតិឥណ្ឌូណេស៊ី ដែលបានត្រៀមសម្រាប់ជំនួបជាមួយក្រុមគោព្រៃកម្ពុជា គឺមានកីឡាករឈុតធំ ឬ កីឡាករដែលមានបទពិសោធន៍ច្រើន ត្រឹមតែ ៥នាក់ប៉ុណ្ណោះ៕