ការពិតមួយចំនួនដែលអ្នកគួរដឹង មុនជំនួប កម្ពុជា Vs អាហ្វហ្គានីស្ថាន
- 2017-06-12 02:46:19
- ចំនួនមតិ 0 | ចំនួនចែករំលែក 0
ការពិតមួយចំនួនដែលអ្នកគួរដឹង មុនជំនួប កម្ពុជា Vs អាហ្វហ្គានីស្ថាន
ចន្លោះមិនឃើញ
ក្រុមគោព្រៃកម្ពុជា នឹងបើកទ្វារពហុកីឡដ្ឋានជាតិទទួលស្វាគមន៍ក្រុមជម្រើសជាតិអាហ្វហ្គានីស្ថាន ក្នុងការប្រកួតវគ្គជម្រុះ Asian Cup ពូល C វេលាម៉ោង ៦:៣០ នាទីល្ងាច ថ្ងៃទី១៣ ខែមិថុនា ឆ្នាំ២០១៧។
រឿង ៣យ៉ាងរបស់ក្រុមគោព្រៃកម្ពុជា
កម្ពុជា ឈរនៅចំណាត់ថ្នាក់លេខ៤ ក្នុងពូល ដោយមាន ០ ពិន្ទុ ក្រោយចាញ់ក្នុងការប្រកួតទី១ វគ្គជម្រុះ Asian Cup ក្រោមថ្វីជើងហ្សកដានី កាលពីខែមីនា ក្នុងលទ្ធផល ៧-០។
ការប្រកួតចុងក្រោយ ក្នុងទឹកដី កាលពីថ្មីៗនេះ កម្ពុជា បានចាញ់ក្រុមឥណ្ឌូណេស៊ី ក្នុងលទ្ធផល ០-២ សម្រាប់ការប្រកួតមិត្តភាពអន្តរជាតិ។
កម្ពុជា មិនទាន់ស្គាល់ពាក្យថាឈ្នះឡើយ ក្នុងការប្រកួតចំនួន ៨លើកចុងក្រោយ នៅក្នុងគ្រប់កម្មវិធីប្រកួត។
រឿង ៣យ៉ាងរបស់ក្រុមជម្រើសជាតិអាហ្វហ្គានីស្ថាន
ក្រុមនេះ ឈរនៅចំណាត់ថ្នាក់លេខ២ ដោយមានចំនួន ១ពិន្ទុ បន្ទាប់ពីប្រកួតស្មើជាមួយក្រុមវៀតណាម ក្នុងលទ្ធផល ១-១ កាលពីប្រកួតទីមួយ វគ្គជម្រុះ Asian Cup។
ក្នុងការប្រកួតលើកចុងក្រោយ ក្រុមអាហ្វហ្គានីស្ថាន យកឈ្នះ ម៉ាល់ឌីវ ក្នុងលទ្ធផល ២-១ សម្រាប់ការប្រកួតមិត្តភាពអន្តរជាតិ។
អាហ្វហ្គានីស្ថាន មិនទាន់ស្គាល់ពាក្យថាចាញ់នោះទេ ក្នុងឆ្នាំ២០១៧ នេះ ដោយ ៣ប្រកួតកន្លងទៅ ឈ្នះ ២ និង ស្មើ ១។
ប្រវត្តិជួបគ្នារវាងក្រុមទាំងពីរ
ជម្រើសជាតិកម្ពុជា ធ្លាប់ជួបអាហ្វហ្គានីស្ថាន ២លើក តែត្រូវបរាជ័យទាំងពីរលើក ក្នុងលទ្ធផល ៣-០ និង ០-១ កាលពីប្រកួតជម្រុះ World Cup ឆ្នាំ២០១៥។
អាហ្វហ្គានីស្ថាន ស៊ុតបញ្ចូលទីកម្ពុជា ដោយ Mustafa Zazi, Norlla Amiri និង Khaibar Amani ក្នុងការជួបគ្នាលើកទី១ នាថ្ងៃទី១២ ខែវិច្ឆិកា ឆ្នាំ២០១៥។ ជួបគ្នាលើកទី២ នៅថ្ងៃទី១៦ ខែមិថុនា ឆ្នាំ២០១៥ ម្ចាស់ផ្ទះកម្ពុជា ចាញ់ជាថ្មី ដោយការស៊ុតបញ្ចូលទីរបស់ Mustafa Zazai ៕