ប្រធានក្លឹប Real Madrid សារភាពថា ខានសន្ទនាជាមួយ Ronaldo តាំងពីឈ្នះ UCL

2017-06-20 03:06:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Florentino Perez ប្រធានក្លឹប Real Madrid បានឆ្លើយតបនឹងសំណួរអ្នកកាសែត ដោយសារភាពថា រូបលោកមិនបានសន្ទនាជាមួយខ្សែប្រយុទ្ធឆ្នើម Cristiano Ronaldo ជាង កន្លះខែមកហើយ ពោលគឺចាប់តាំងពីក្រុមរបស់លោកប្រកួតវគ្គផ្តាច់ព្រ័ត្រ ពានរង្វាន់ UEFA Champions League នៅទីក្រុង Cardiff ប្រទេសវែល។

លោក Florentino Perez

ប្រធានក្លឹបអធិរាជស បានឆ្លើយបំភ្លឺថា កីឡាកររហស្សនាម CR7 មិនបានប្រើប្រាស់វិធី ធ្វើជាអាក់អន់ចិត្តចំពោះបញ្ហាពន្ធ ដើម្បីឲ្យក្លឹបបង់ថ្លៃពិន័យជំនួសរូបគេ ដែលមានចំនួនជិត ៤០លានអឺរ៉ូ នោះទេ។ លោកនិយាយថា៖ ***«សំណួរនេះមិនគួរសួរឡើយ ព្រោះរូបគេ (Ronaldo) មិនមែនជាមនុស្សបែបនេះឡើយ។ បើគេមិនសប្បាយចិត្ត វាមិនទាក់ទងនឹងបញ្ហានេះទេ។... ខ្ញុំខាននិយាយជាមួយគេ តាំងពីនៅ Cardiff មកម្ល៉េះ។ យ៉ាងណាគេមានកុងត្រាជាមួយពួកយើង ដូច្នេះគេជាកីឡាកររបស់ពួកយើង»*** ។

លោកបន្តថា អ្វីមួយបានធ្វើឲ្យប៉ះពាល់ដល់អារម្មណ៍ម្ចាស់ពាន Ballon d'Or ចំនួន ៤លើកខាងលើ ហើយក្លឹបរបស់លោក នឹងព្យាយាមស្វែងរកការពិតជុំវិញបញ្ហានេះ។

ខ្សែប្រយុទ្ធសញ្ជាតិព័រទុយហ្គាល់ ត្រូវបានសារព័ត៌មានមួយចំនួនរាយការណ៍ថា កំពុងចង់ចាកចេញពី Real Madrid បន្ទាប់ពីកើតមានភាពចម្រូងចម្រាសលើបញ្ហាពន្ធ ខណៈក្លឹបមិនសូវខ្វាយខ្វល់ និងដោះស្រាយជូនគេឡើយ៕

ប្រភព៖ Dailymail ប្រែសម្រួល៖ លាភ.