រដ្ឋមន្រ្តីពាណិជ្ជកម្ម ជំរុញឱ្យរៀបចំតារាង និងឃ្លាំមើលសន្ទស្សន៍ថ្លៃទំនិញជាប្រចាំ

2017-06-22 10:27:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានណែនាំក្រុមការងារឱ្យរៀបចំតារាងតាមដាន និងឃ្លាំមើលស្ថានភាពសន្ទស្សន៍ថ្លៃទំនិញ ឱ្យបានជាប្រចាំ ដើម្បីសិក្សាពីបញ្ហាផលិតកម្ម និងថ្លៃ ឬបញ្ហានានាផ្សេងទៀត។ គោលបំណង គឺដើម្បីរៀបចំកិច្ចអន្តរាគមន៍ជាលក្ខណៈប្រព័ន្ធ សម្រាប់កាត់បន្ថយផលប៉ះពាល់ដល់ជីវភាពរបស់ប្រជាជនកម្ពុជា។ លោកជំរុញដូច្នេះ ក្នុងកិច្ចប្រជុំ១ នាព្រឹកថ្ងៃទី២២មិថុនា។

លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម

ក្រសួងពាណិជ្ជកម្ម ឱ្យដឹងថា ក្រុមការងារនេះ មានភារកិច្ចដូចជា៖

សិក្សា និងចងក្រងឯកសារទាក់ទងនឹងស្ថានភាពផលិតកម្ម ថ្លៃដើម សមត្ថភាពផ្គត់ផ្គង់ការប្រើប្រាស់ និងសន្ទស្សន៍ថ្លៃ នៃមុខទំនិញអាទិភាពដូចជា ស្រូវ-អង្ករ ត្រី សាច់មាន់ សាច់ជ្រូក ប្រេងសាំងធម្មតា និងម៉ាស៊ូត និងដំឡូងមី។

តាមដាន ពិនិត្យ ឃ្លាំមើល ស្ថានភាពប្រែប្រួលនៃផលិតកម្ម ស្ថានភាពទំនិញចរាចរលើទីផ្សារ និងដាក់ចេញនូវវិធានការចាំបាច់ ដើម្បីទ្រទ្រង់ផលិតកម្ម និងថ្លៃទំនិញលើទីផ្សារ៕

អត្ថបទ៖ សំភី