ផ្លូវល្បឿនលឿន ភ្នំពេញ-ព្រះសីហនុ នឹងចាប់ផ្តើមសាងសង់នៅចុងឆ្នាំនេះ

2017-07-09 04:34:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យក្រសួងសាធារណការ និងដឹកជញ្ជូន លោក វ៉ា ស៊ីមសូរិយា ឲ្យដឹងកាលពីថ្ងៃទី៨កក្កដាថា ការសាងសង់ផ្លូវល្បឿនលឿនពីរាជធានីភ្នំពេញ ទៅកាន់ខេត្តព្រះសីហនុ នឹងចាប់ផ្តើមនៅចុងឆ្នាំ ២០១៧នេះ ប្រសិនបើការចរចាវាងរដ្ឋាភិបាល និងក្រុមហ៊ុនវិនិយោគសាងសង់ផ្លូវនេះ បានបញ្ចប់តាមការគ្រោងទុក។

លោកបញ្ជាក់ថា ផ្លូវប្រវែង ១៩០គីឡូម៉ែត្រនេះ គ្រោងនឹងចំណាយការសាងសង់ ១,៩ពាន់លានដុល្លារ។ នេះជាផ្លូវល្បឿនលឿនដំបូងគេនៅកម្ពុជា ហើយមានគន្លងរថយន្តអាចបើកបរ ២ខ្សែ ទាំងទៅទាំងមក។

ផ្លូវល្បឿនលឿន (រូបតំណាង)

មន្រ្តីរូបនេះ អះអាងថា នៅពេលផ្លូវនេះសាងសង់ចប់ នឹងមិនមានចំណុចឆ្លងកាត់ច្រើននោះទេហើយម៉ូតូតូចៗមិនអាចបើកបរបានឡើយ ពិសេសនឹងមានការបិទរបង ដែលមិនអាចឲ្យសត្វពាហនៈ ឆ្លងកាត់បាននោះទេ។ ផ្លូវនេះ នឹងសម្រួលការដឹកជញ្ជូន កាត់បន្ថយពេលវេលាលើការធ្វើដំនើរ និងកាត់បន្ថយតំលៃនៃការដឹកជញ្ជូន ព្រមទាំងលើកកម្ពស់សេដ្ឋកិច្ចជាតិផងដែរ៕

ប្រភព៖ រស្មីកម្ពុជា ប្រែសម្រួល៖ សំភី