ប៉ាក់គីអៅខ្មែរ ល្បីដល់សារព័ត៌មានហ្វីលីពីនយកទៅចុះផ្សាយ

2017-07-11 02:16:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះ សារព័ត៌មាន Rappler បានចុះផ្សាយពីបុរសខ្មែរវ័យ ៣៧ឆ្នាំម្នាក់ ដែលមានមុខមាត់ និងរូបរាងស្រដៀងនឹងស្ដេចប្រដាល់ប្រចាំអាស៊ី ម៉ានី ប៉ាក់គីអៅ ដែលធ្វើឲ្យគេស្ទើរតែយល់ច្រឡំ។

ក្រោមបទសម្ភាសជាមួយភ្នាក់ងារ Rappler បុរសដែលមានឈ្មោះថា ប៉យ ជុនលី បានអះអាងថា មិនត្រឹមតែជនជាតិខ្មែរប៉ុណ្ណោះទេដែលយល់ច្រឡំថារូបលោកជា ប៉ាក់គីអៅ សូម្បីតែជនជាតិបរទេសក៏មានការយល់ច្រឡំផងដែរ។

លោក ជុនលី បានទម្លាយថា បានដឹងថាមានមុខមាត់រូបរាងដូចអ្នកប្រដាល់ហ្វីលីពីន នៅពេលដែលខ្លួនចូលរួមកម្មវិធីមួយ កាលពីឆ្នាំ២០០៨ ហើយពេលនោះ ប៉ាក់គីអៅ ក៏បានចូលរួមក្នុងកម្មវិធីនោះផងដែរ។

មិនខុសពីជើងខ្លាំង ប៉ាក់គីអៅ លោក ជុនលី ចូលចិត្តកីឡាប្រដាល់ ហើយលោកមានប្អូនប្រុស និងបងប្រុសជាអ្នកប្រដាល់។ ចំណែកលោកគ្មានទេពកោសល្យប្រដាល់នោះទេ។ សម្រាប់អាជីពវិញ លោកគឺជា ជាងគំនូរម្នាក់ដែលចូលចិត្តគូររូបផ្សេងៗ ដូចជា សត្វ ឬ តួអង្គគំនូរជីវចល ជាដើម៕