សម្ដេច ហ៊ុន សែន ឲ្យក្រសួងពាក់ព័ន្ធ គាំពារសុខភាពស្ត្រីមានផ្ទៃពោះ

2017-07-24 04:20:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានអោយក្រសួងសេដ្ឋកិច្ច និងហិរញ្ញវត្ថុ និងក្រសួងសុខាភិបាលចាប់ផ្តើមមុនគេ គាំពារសុខភាពស្ត្រីមានផ្ទៃពោះ ពីព្រោះពួកគាត់ពិតជាត្រូវការជំនួយជាចាំបាច់ហើយពួកអាចជួបបញ្ហាប្រឈមជាច្រើនអំឡុងពេលពពោះរហូតដល់សម្រាលកូន។ នេះបើតាមការលើកឡើងរបស់សម្ដេច ហ៊ុន សែន ក្នុងពិធីសម្ពោធដាក់អោយប្រើប្រាស់ “ក្របខ័ណ្ឌគោលនយោបាយជាតិគាំពារសង្គម ២០១៦-២០២៥” នៅព្រឹកថ្ងៃទី២៤ ខែកក្កដានេះ។

សម្ដេចនាយករដ្ឋមន្រ្តីបានបន្ថែមទៀតថា ក្រសួងសេដ្ឋកិច្ច និងក្រសួងពាក់ព័ន្ធនានាត្រូវចាប់ផ្តើមធ្វើពីរឿងនេះមុនគេ ថាត្រូវផ្តល់អោយស្រីមានផ្ទៃពោះមួយខែប៉ុន្មាន? តែទោះជាយ៉ាងណា ការដោះស្រាយបញ្ហានេះ តម្រូវអោយមានលក្ខខ័ណ្ឌច្បាស់លាស់មួយចំនួន។ ជាមួយគ្នានោះ បញ្ហាជនពិការ ក៏នឹងត្រូវចាប់ផ្តើមជាបន្តបន្ទាប់ផងដែរ៕

អត្ថបទ៖ វាសនា