Duterte៖ សង្គ្រាមប្រឆាំងគ្រឿងញៀន នឹងនៅតែបន្ដទៅទៀត
- 2017-07-25 02:44:45
- ចំនួនមតិ 0 | ចំនួនចែករំលែក 0
Duterte៖ សង្គ្រាមប្រឆាំងគ្រឿងញៀន នឹងនៅតែបន្ដទៅទៀត
ចន្លោះមិនឃើញ
ប្រធានាធិបតីហ្វីលីពីន លោក Rodrigo Duterte កាលពីថ្ងៃទី២៤ ខែកក្កដា ម្សិលមិញ បានបញ្ជាក់ថា ទោះបីជាចំណាយពេលវេលាយូរប៉ុណ្ណាក៏ដោយ សង្រ្គាមប្រឆាំងនឹងគ្រឿងញៀនខុសច្បាប់ នឹងនៅតែបន្ដទៅទៀត ព្រោះគ្រឿងញៀន គឺមូលហេតុចម្បងដែលនាំឲ្យមានបញ្ហាអាក្រក់ក្នុងសង្គម។
ថ្លែងទៅកាន់ក្រុមអ្នកកាសែត បុរសរដ្ឋហ្វីលីពីនរូបនេះ បានបញ្ជាក់ថា ការប្រយុទ្ធប្រឆាំងគ្រឿងញៀននៅតែបន្ដទៀត ទោះបីជាមានការដាក់សម្ពាធពីអន្តរជាតិ និងពីក្នុងប្រទេសក៏ដោយ។ លោកបន្ថែមថា ការប្រយុទ្ធប្រឆាំងគ្រឿងញៀន នឹងបញ្ឈប់ នៅពេលដែលអ្នកជួញដូរគ្រឿងញៀនយល់ថា ពួកគេត្រូវតែបញ្ឈប់ការជួញដូរ ព្រោះលទ្ធផលនៃការជួញដូរគ្រឿងញៀន នឹងនាំពួកគេទៅជាប់គុក និងនរកតែប៉ុណ្ណោះ។
សូមបញ្ជាក់ថា តាមការអះអាងរបស់ប៉ូលិសហ្វីលីពីន សង្រ្គាមប្រឆាំងគ្រឿងញៀនរបស់បុរសខ្លាំងហ្វីលីពីន ដែលធ្វើឡើងក្រោយលោកចូលកាន់តំណែងជាប្រធានាធិបតី កាលពីថ្ងៃទី៣០ មិថុនា ២០១៦ បានសម្លាប់មនុស្សប្រមាណ ៣ ២០០នាក់។ ចំណែកតាមការអះអាងរបស់ក្រុមសង្គមស៊ីវិលវិញ បញ្ជាក់ថា សង្រ្គាមគ្រឿងញៀននេះ បានសម្លាប់មនុស្សប្រមាណ ៨ ០០០នាក់៕