គណបក្សសង្គ្រោះជាតិ សម្រេចដករូបលោក សម រង្ស៊ី-កឹម សុខា ចេញពីស្លាកគណបក្ស
- 2017-07-25 12:27:05
- ចំនួនមតិ 0 | ចំនួនចែករំលែក 0
គណបក្សសង្គ្រោះជាតិ សម្រេចដករូបលោក សម រង្ស៊ី-កឹម សុខា ចេញពីស្លាកគណបក្ស
ចន្លោះមិនឃើញ
គណបក្សសង្គ្រោះជាតិ បានសម្រេចផ្លាស់ប្តូររូបសញ្ញាគណបក្សរបស់ខ្លួនហើយ គឺដករូបលោក សម រង្ស៊ី និងលោកកឹម សុខា ប្រធានគណបក្ស ចេញ។ ការសម្រេចនេះ បានធ្វើឡើងនៅក្នុងកិច្ចប្រជុំប្រធាន អនុប្រធានក្រុមការងារ ប្រធាន អនុប្រធានប្រតិបត្តិ ទាំង២៥រាជធានី ខេត្ត កាលពីរសៀលថ្ងៃទី២៥ ខែកក្កដា ឆ្នាំ២០១៧ ក្នុងស្នាក់ការកណ្តាលគណបក្សសង្គ្រោះជាតិ នៅចាក់អង្រែ ខណ្ឌមានជ័យ។
លោក អេង ឆៃអ៊ាង អនុប្រធានគណបក្សសង្គ្រោះជាតិ បានថ្លែងថា ទោះជាមានការដករូបលោក កឹម សុខា និងលោក សម រង្ស៊ី ចេញ ក៏គណបក្សនៅរក្សាទុករូបព្រះអាទិត្យដដែល ហើយក៏មានការបន្ថែមនូពាក្យស្លោកថា "រួមគ្នាសង្គ្រោះជាតិយើង"។ លោកបញ្ជាក់ទៀតថា ការផ្លាស់ប្ដូរស្លាកគណបក្សនេះ នឹងជម្រុញឲ្យហើយត្រឹមថ្ងៃទី៣០ ខែកញ្ញា ឆ្នាំ២០១៧ខាងមុខ៕