Mourinho បកស្រាយរឿងលះបង់មេដាយ Super Cup ឲ្យទៅអ្នកគាំទ្រយប់មិញ

2017-08-09 06:59:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Jose Mourinho អ្នកចាត់ការទូទៅក្រុម Manchester United បានលះបង់មេដាយដែលខ្លួនទទួលបាន ក្រោយកូនក្រុមប្រកួតចាញ់ Real Madrid ក្នុងលទ្ធផល ២-១ នៃការប្រកួតដណ្ដើមពានរង្វាន់ UEFA Super Cup កាលពីយប់មិញ។

អ្នកចាត់ការសញ្ជាតិព័រទុយហ្គាល់រូបនេះ បានជូនមេដាយរបស់ខ្លួនដល់អ្នកគាំទ្រវ័យក្មេងម្នាក់ដែលបានចូលរួមទស្សនាការប្រកួតនៅប្រទេសម៉ាសេដូនី។ លោកអះអាងពីមូលហេតុថា មេដាយនេះគឺមានន័យធំធេងសម្រាប់អ្នកគាំទ្រ ជាងរូបលោកផ្ទាល់ ទោះបីជាក្រុមរបស់លោកជាក្រុមដែលឈ្នះពានរង្វាន់ក៏ដោយ។

«ពេលខ្លះ ទោះបីខ្ញុំឈ្នះ ក៏ខ្ញុំមិនទុកមេដាយដែរ ទម្រាំចាញ់ទៀតនោះ... បើនៅនឹងខ្ញុំ ក៏ខ្ញុំទុកចោលដែរ ប៉ុន្តែសម្រាប់ក្មេងម្នាក់នោះ វាជារឿងដែលគេមិនអាចបំភ្លេចបាន»។ នេះជាការបញ្ជាក់របស់ Mourinho ។

អតីតអ្នកចាត់ការទូទៅក្រុម Chelsea ខាងលើ ធ្លាប់គប់មេដាយបានពីការឈ្នះជើងឯក Premier League កាលពីឆ្នាំ២០០៦ ទៅឲ្យអ្នកគាំទ្រខ្លួន និងធ្លាប់ជូនមេដាយបានពីការឈ្នះពានរង្វាន់ Community Shield ដល់ទស្សនិកជន កាលពីឆ្នាំ២០១៥ ផងដែរ៕

ប្រភព៖ Dailymail ប្រែសម្រួល៖ លាភ.