Everton បំបែកកំណត់ត្រា ទិញខ្សែបម្រើតម្លៃខ្ពស់បំផុតក្នុងប្រវត្តិសាស្ត្រក្លឹប
- 2017-08-17 07:41:54
- ចំនួនមតិ 0 | ចំនួនចែករំលែក 0
Everton បំបែកកំណត់ត្រា ទិញខ្សែបម្រើតម្លៃខ្ពស់បំផុតក្នុងប្រវត្តិសាស្ត្រក្លឹប
ចន្លោះមិនឃើញ
ក្រុមស្ករគ្រាប់ Everton បានបំបែកកំណត់ត្រារបស់ខ្លួន ក្នុងការនាំយកខ្សែបម្រើមកពីក្រុម Swansea គឺកីឡាករ Gylfi Sigurdsson ក្នុងតម្លៃ ៤៥លានផោន (ជិត ៦០លានដុល្លារអាមេរិក) បន្ទាប់ពីធ្វើការពិនិត្យសុខភាពដោយជោគជ័យកាលពីម្សិលមិញ។
កីឡាករសញ្ជាតិអៀរឡង់រូបនេះ បានចុះកុងត្រារយៈពេល ៥ឆ្នាំ ដែលគេទទួលបានប្រាក់ឈ្នួលប្រចាំសប្ដាហ៍ចំនួន ១០ម៉ឺនផោន។ ខ្សែបម្រើវ័យ ២៧ឆ្នាំរូបនេះ បានស៊ុតបញ្ចូលទីឲ្យ Swansea ចំនួន ៩គ្រាប់ និង Assist ចំនួន ១៣លើក កាលពីរដូវកាលកន្លងទៅ ព្រមទាំងត្រូវបានជ្រើសរើសជាកីឡាករល្អចំនួន ២រដូវកាលជាប់ៗគ្នា របស់ Swansea ផងដែរ។
ការទៅដល់របស់ Sigurdsson មានន័យថា Everton បានចំណាយអស់ ១៤៤លានផោនហើយនាដើមរដូវកាល ២០១៧-១៨ នេះ ស្របពេលដែលលោក Ronald Koeman គ្រូបង្វឹក Everton បានកំណត់គោលដៅក្នុងការប្រជែងយកកៅអីមួយ សម្រាប់ពានរង្វាន់ UEFA Champions League នៅឆ្នាំក្រោយ៕