កម្ពុជា ចុះកិច្ចព្រមព្រៀងជាមួយក្រុមហ៊ុន ១ ក្នុងការអភិវឌ្ឍប្រេងនៅប្លុក A

2017-08-23 04:20:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាលកម្ពុជា តំណាងដោយ លោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោក ស៊ុយ សែម រដ្ឋមន្រ្តីក្រសួងរ៉ែ និងថាមពល បានចុះកិច្ចព្រមព្រៀងជាមួយ លោក Kelvin Tang ប្រធានក្រុមហ៊ុន KrisEnergy ក្នុងការអភិវឌ្ឍប្រេងនៅប្លុក A។ កិច្ចព្រមព្រៀងនេះ ធ្វើឡើងសណ្ឋាគារ សូហ្វីតែល ភ្នំពេញ ភូគីត្រា នៅព្រឹកថ្ងៃទី២៣ ខែសីហា ២០១៧។

ក្នុងសេចក្តីប្រកាសព័ត៌មានស្តីពីការចុះហត្ថលេខាលើកិច្ចព្រមព្រៀងនេះ បានឲ្យដឹងថា គម្រោងប្រេងកាតប្លុក A នេះ គឺជាគម្រោងប្រេងកាតទី១ ដែលបើកសករាជឲ្យកម្ពុជា ក្លាយជាប្រទេសផលិតប្រេង និងឈានទៅធ្វើការស្វែងរុករកដ៏ខ្លាំងក្លាថែមទៀត លើប្លុកប្រេងកាត ដែលនៅទំនេរ ចំនួន ៥ប្លុកទៀត ក្នុងចំណោមប្លុកប្រេងកាតចំនួន ៦ នៅដែនសមុទ្រ និង ១៨ប្លុក នៅដែនគោក។

ទីតាំងបូមប្រេង១ របស់ក្រុមហ៊ុន KrisEnergy

កិច្ចព្រមព្រៀងនេះ នឹងអនុញ្ញាតឲ្យក្រុមហ៊ុនធ្វើផលិតកម្មលើកទី១របស់ខ្លួន គឺជំហាន 1A និង 1B នៃដំណាក់កាលទី១ នៃប្លុក A មានផ្ទៃក្រឡា ១៩៨គីឡូម៉ែត្រក្រឡា។ យោងតាមផែនការអភិវឌ្ឍរបស់ក្រុមហ៊ុន តំណក់ប្រេងដំបូងរបស់ជំហាន 1A នឹងផលិតប្រេងដំបូង ក្នុងរយៈពេល ២ឆ្នាំទៀត គឺនៅចុងឆ្នាំ ២០១៩ ឬដើមឆ្នាំ២០២០៕