ចិនគ្រោងដាក់មុខវិជ្ជាសរសេរកូដ និងបច្ចេកវិទ្យា AI ឲ្យរៀនចាប់ពីថ្នាក់បឋម

2017-08-30 06:36:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការរៀនសរសេរកូដ និងបច្ចេកវិទ្យាពាក់ព័ន្ធនឹង AI (Artificial Intelligence) នឹងត្រូវដាក់ឲ្យសិក្សានៅថ្នាក់បឋមសិក្សា និងអនុវិទ្យាល័យ ក្នុងប្រទេសចិន នាពេលអនាគត។ នេះជាការបញ្ជាក់របស់ក្រុមប្រឹក្សារដ្ឋរបស់ប្រទេសចិន។

AI ត្រូវគេចាត់ទុកថា ជាបច្ចេកវិទ្យាដែលនឹងអាចរីកចម្រើនខ្លាំងក្នុងរយៈពេលប៉ុន្មានទសវត្សទៅមុខ ហើយវានឹងផ្លាស់ប្ដូរបែបបទនៃសង្គមទាំងមូលថែមទៀតផង។ ដោយយល់ឃើញដូច្នេះ ចិនបានឆ្លៀតឱកាសនេះដើម្បីពង្រឹងវិស័យបច្ចេកវិទ្យា AI ដោយផ្ដើមចេញពីការអប់រំចាប់ពីថ្នាក់មូលដ្ឋានឡើងទៅ។

ក្រៅពីបឋមសិក្សា និងអនុវិទ្យាល័យ រដ្ឋាភិបាលចិនក៏នឹងបង្ហាញពីការគាំទ្រឲ្យស្ថាប័នអប់រំចាប់ពីថ្នាក់វិទ្យាល័យ ឧត្ដមសិក្សា ក្រោយឧត្ដមសិក្សា ក៏ដូចជាកន្លែងបណ្ដុះបណ្ដាលជំនាញនានា បន្ថែមនូវមុខវិជ្ជាដែលពាក់ព័ន្ធនឹង AI ផងដែរ ដើម្បីជាការរួមចំណែកបំពេញតម្រូវការសង្គមទៅថ្ងៃអនាគត៕

ប្រភព៖ CGTN ប្រែសម្រួល៖ ឈាង.