កែវ សុខផេង សង្ឃឹមខ្ពស់ថា កម្ពុជានឹងយកឈ្នះវៀតណាម ថ្ងៃស្អែក

2017-09-04 06:31:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធក្រុមជម្រើសជាតិកម្ពុជា កីឡាករ កែវ សុខផេង ក្នុងការយកឈ្នះក្រុមជម្រើសជាតិវៀតណាម ក្នុងការប្រកួតវគ្គជម្រុះ AFC Asian Cup 2019 នៅពហុកីឡដ្ឋានជាតិ រាជធានីភ្នំពេញ វេលាម៉ោង ៦:៣០ នាទីនៅថ្ងៃទី៥ ខែកញ្ញា ឆ្នាំ២០១៧។

កីឡាករឆ្នើមរបស់ក្លឹបភ្នំពេញក្រោនដដែល បានបញ្ជាក់ថា ការប្រកួតទី៣ ក្នុងវគ្គសន្សំពិន្ទុនៅថ្ងៃស្អែកនេះ គឺជាឱកាសដ៏ល្អសម្រាប់កម្ពុជា ក្នុងការអភិវឌ្ឍខ្លួន ព្រោះវៀតណាមជាក្រុមខ្លាំងមួយ។ ទោះជាយ៉ាងណា កែវ សុខផេង រំពឹងថា ក្រុមគោព្រៃនឹងអាចឆក់យក ៣ពិន្ទុបានពីវៀតណាម។

«ការលេងជាមួយក្រុមវៀតណាមជារឿងដ៏ល្អ ព្រោះវៀតណាមជាក្រុមខ្លាំងមួយ ដើម្បីបង្វឹកកីឡាកររបស់យើង។ ចំណុចពិសេសគឺពួកយើងជាម្ចាស់ផ្ទះ ដើម្បីត្រៀមលេងនៅថ្ងៃស្អែក។ ខ្ញុំសង្ឃឹម ៧០ភាគរយសម្រាប់កីឡាករទាំងអស់ ព្រោះពួកយើងបានប្រមូលផ្ដុំ (ហ្វឹកហាត់) ជិតមួយខែហើយ»។ កែវ សុខផេង បានប្រាប់ដូច្នេះនៅក្នុងសន្និសីទសារព័ត៌មាន កាលពីព្រឹកថ្ងៃទី៤ ខែកញ្ញានេះ។

សូមបញ្ជាក់ថា ឆ្លងកាត់ ២ប្រកួតកន្លងទៅ កម្ពុជា មាន ៣ពិន្ទុ ឈរនៅលេខ២ ក្នុងពូល C ។ ចំណែក វៀតណាម ធ្វើមិនសូវបានល្អឡើយ ដោយទើបតែមាន ២ពិន្ទុប៉ុណ្ណោះ៕

អត្ថបទ៖ លាភ.