ពូទីន ព្រមានបណ្ដេញមន្រ្តីទូតអាមេរិកបន្ថែមទៀត
- 2017-09-05 09:52:01
- ចំនួនមតិ 0 | ចំនួនចែករំលែក 0
ពូទីន ព្រមានបណ្ដេញមន្រ្តីទូតអាមេរិកបន្ថែមទៀត
ចន្លោះមិនឃើញ
ប្រធានាធិបតីរុស្ស៊ី វ្លាឌីមៀ ពូទីន បានព្រមានបណ្ដេញមន្រ្តីទូតអាមេរិកនៅក្នុងប្រទេសរុស្ស៊ីបន្ថែមទៀត ដោយមកនៅត្រឹមចំនួន ១៥៥នាក់ប៉ុណ្ណោះ ក្រោយអាមេរិកបានសម្រេចបិទកុងស៊ុលរុស្ស៊ីចំនួន៣ នៅក្រុងសាន់ហ្វ្រាន់ស៊ីស្កូ និងនៅក្រុងញូយ៉ក កាលពីពេលថ្មីៗនេះ។ ការព្រមានរបស់ប្រធានាធិបតីរុស្ស៊ីដូច្នេះ បានធ្វើឡើងនៅក្នុងសន្និសីទកាសែត ក្រោយកិច្ចប្រជុំក្រុមប្រទេស BRICS ដែលធ្វើឡើងនៅក្នុងប្រទេសចិន នាថ្ងៃទី០៥ កញ្ញា ២០១៧នេះ។
ថ្លែងទៅកាន់ក្រុមអ្នកសារព័ត៌មានក្នុងសន្និសីទកាសែត លោក ពូទីន បានបញ្ជាក់ថា "យើងមានសិទ្ធិសម្រេចថា មន្រ្តីទូតអាមេរិកចំនួនប៉ុន្មាននាក់ អាចបន្ដនៅក្រុងមូស្គូ។ ប៉ុន្ដែយើងមិនទាន់សម្រេចវា នៅពេលនេះនៅឡើយទេ"។
សូមបញ្ជាក់ថា មុនប្រធានាធិបតីរុស្ស៊ីព្រមានកាត់បន្ថយមន្រ្តីអាមេរិកលើកនេះ រុស្ស៊ីក៏បានបញ្ជាក់ឲ្យអាមេរិកកាត់បន្ថយចំនួនមន្រ្តីទូតរបស់ខ្លួនចំនួន ៧៥៥នាក់ ដោយមកនៅត្រឹមតែ ៤៥៥នាក់ប៉ុណ្ណោះ នៅត្រឹមថ្ងៃទី០១ ខែកញ្ញា ២០១៧៕