ទំហំពាណិជ្ជកម្មទ្វេភាគីវៀតណាម-កូរ៉េខាងត្បូង កើនឡើង ២០%
- 2017-09-08 04:08:52
- ចំនួនមតិ 0 | ចំនួនចែករំលែក 0
ទំហំពាណិជ្ជកម្មទ្វេភាគីវៀតណាម-កូរ៉េខាងត្បូង កើនឡើង ២០%
ចន្លោះមិនឃើញ
លោក Moon Byung Chul មន្រ្តីកុងស៊ុលពាណិជ្ជកម្មកូរ៉េខាងត្បូង ប្រចាំប្រទេសវៀតណាម បានលើកឡើងថា ទំហំពាណិជ្ជកម្មវៀតណាម-កូរ៉េខាងត្បូង នៅឆ្នាំ២០១៦ មានទឹកប្រាក់ ៤៥,១ពាន់លានដុល្លារ កើនឡើង ២០% បើធៀបនឹងឆ្នាំ២០១៥។ ការលើកឡើងរបស់មន្រ្តីកុងស៊ុលពាណិជ្ជកម្មកូរ៉េខាងត្បូងរូបនោះ បានធ្វើឡើងក្នុងសិក្ខាសាលាស្ដីពីវិធីបង្កើនមូលធនពីកិច្ចព្រមព្រៀងពាណិជ្ជកម្មសេរី នៅក្នុងប្រទេសវៀតណាម កាលពីពេលថ្មីៗនេះ។
លោកបញ្ជាក់ទៀតថា រយៈពេល ៧ខែ នៅដើមឆ្នាំ២០១៧នេះ ទំហំពាណិជ្ជកម្មវៀតណាម-កូរ៉េខាងត្បូង មានទឹកប្រាក់ ៣៥,៥ពាន់លានដុល្លារ កើនឡើង ៣០% បើធៀបរយៈពេលដូចគ្នា ក្នុងឆ្នាំ២០១៦។
ចំណែកលោក Yoon Joo Young អគ្គនាយកទីភ្នាក់ងារលើកកម្ពស់ពាណិជ្ជកម្ម-វិនិយោគកូរ៉េខាងត្បូង បានបញ្ជាក់ថា វៀតណាមជាដៃគូពាណិជ្ជកម្ម និងដៃគូវិនិយោគទី៣ របស់កូរ៉េខាងត្បូង ប្រចាំនៅតំបន់អាស៊ាន ដែលមានរោងចក្រកូរ៉េខាងត្បូងចំនួនប្រមាណ ៤ ៥០០រោងចក្រកំពុងដំណើរការ។
សូមបញ្ជាក់ថា កំណើនទំហំពាណិជ្ជកម្មនៃប្រទេសវៀតណាម និងកូរ៉េខាងត្បូង គឺក្រោយប្រទេសទាំងពីរ បានចុះកិច្ចព្រមព្រៀងពាណិជ្ជកម្មសេរីជាមួយគ្នា កាលពីខែធ្នូ ឆ្នាំ២០១៥ កន្លងទៅ៕