ដូណាល់ ត្រាំ ជួបនាយករដ្ឋមន្ត្រីម៉ាឡេស៊ី ពិភាក្សាពីកិច្ចព្រមព្រៀងពាណិជ្ជកម្ម

2017-09-13 07:44:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក ដូណាល់ ត្រាំ បានទទួលជួបពិភាក្សាជាមួយនាយករដ្ឋមន្ត្រីម៉ាឡេស៊ី លោក Najib Razak នៅសេតវិមាន កាលពីថ្ងៃទី១២ ខែកញ្ញា ម្សិលមិញ។ ក្នុងនោះ ប្រមុខមេដឹកនាំទាំងពីរបានជជែកគ្នាពីពាណិជ្ជកម្ម និងការប្រយុទ្ធប្រឆាំងនឹងក្រុមជ្រុលនិយម នៅជ្រុលនិយម IS។

មុនជំនួបនោះ ដូណាល់ ត្រាំ បានប្រាប់អ្នកសារព័ត៌មានថា លោក និងលោកនាយករដ្ឋមន្រ្តីម៉ាឡេស៊ី នឹងជជែកគ្នាពីកិច្ចព្រមព្រៀងពាណិជ្ជកម្ម ដែលមានទំហំទឹកប្រាក់ប្រមាណចន្លោះពី ១០ ទៅ ២០ពាន់លានដុល្លារ។ កិច្ចព្រមព្រៀងពាណិជ្ជកម្មនេះ គឺផ្ដោតលើការទិញយន្តហោះរបស់ក្រុមហ៊ុន Boeing គ្រឿងម៉ាស៊ីនរបស់ក្រុមហ៊ុន General Electric និងផលិតផលមួយចំនួនទៀត។

ដូណាល់ ត្រាំ ក៏បានលើកឡើងពីការខិតខំរបស់នាយករដ្ឋមន្ត្រីម៉ាឡេស៊ីផងដែរ ដែលបានធ្វើការប្រយុទ្ធប្រឆាំងយ៉ាងសកម្មនឹងក្រុមជ្រុលនិយម IS នៅក្នុងប្រទេសម៉ាឡេស៊ី ដែលនេះពិតជាមានសារសំខាន់ណាស់សម្រាប់សហរដ្ឋអាមេរិក៕

ប្រភព៖ Straits Times ប្រែសម្រួល៖ វាសនា