Apple ចេញមុខបកស្រាយរឿងនៅពីក្រោយបញ្ហាគាំង Face ID ពេលធ្វើ Demo
- 2017-09-14 06:34:52
- ចំនួនមតិ 0 | ចំនួនចែករំលែក 0
Apple ចេញមុខបកស្រាយរឿងនៅពីក្រោយបញ្ហាគាំង Face ID ពេលធ្វើ Demo
ចន្លោះមិនឃើញ
អ្នកគាំទ្រក្រុមហ៊ុនគូប្រជែងរបស់ Apple បាននាំគ្នារិះគន់លើការធ្វើ Demo បង្ហាញពីមុខងារ Face ID លើ iPhone X កាលពីម្សិលមិញ ដោយលើកឡើងថា មុខងារនេះបានទទួលបរាជ័យក្នុងការចំណាំមុខរបស់លោក Craig Federighi ដែលជាអ្នកឡើងបង្ហាញនៅលើឆាក និងតម្រូវឲ្យលោកវាយបញ្ចូល Passcode ដើម្បីដោះសោ។ ទាក់ទងនឹងបញ្ហានេះ Apple បានចេញមកបកស្រាយភ្លាមៗ ដោយអះអាងថា បញ្ហាគឺបណ្ដាលមកពីមនុស្សច្រើននាក់ បានព្យាយាមចាប់កាន់វា ឬចុចលេង មុនការធ្វើ Demo របស់លោក Federighi ។
Apple បានប្រាប់ដល់ Yahoo ថា ដោយសារមនុស្សទាំងនោះ មិនមែនជាលោក Federighi ទើប iPhone X នោះតម្រូវឲ្យវាយ Passcode ជំនួសវិញ ពោលគឺក្រោយពេលដែលស្កេនខុសចំនួន ២ដង។ នៅលើវេទិកា លោក Federighi បានវាយ Passcode ដើម្បីចូលទៅកាន់ Home Screen បន្ទាប់មកលោកក៏បាន Lock រួចព្យាយាមដោះសោ ដោយ Face ID ជាលើកទីពីរ ហើយទទួលបានជោគជ័យ។
សូមបញ្ជាក់ថា ចំពោះមុខងារ Touch ID វិញគឺផ្ទុយពី Face ID ។ ប្រសិនបើគេស្កេនម្រាមដៃ មិនទទួលបានជោគជ័យ ៥លើក ទើប iPhone តម្រូវឲ្យអ្នកប្រើប្រាស់វាយបញ្ចូល Passcode ជំនួសវិញ៕