គណៈកម្មាធិការសិទ្ធិមនុស្ស UN បង្ហាញការព្រួយបារម្ភចំពោះបទបញ្ជាថ្មីរបស់ ដូណាល់ ត្រាំ
- 2017-09-14 08:05:58
- ចំនួនមតិ 0 | ចំនួនចែករំលែក 0
គណៈកម្មាធិការសិទ្ធិមនុស្ស UN បង្ហាញការព្រួយបារម្ភចំពោះបទបញ្ជាថ្មីរបស់ ដូណាល់ ត្រាំ
ចន្លោះមិនឃើញ
លោក Zeid Ra'ad Al Hussein ប្រធានគណៈកម្មាធិការសិទ្ធិមនុស្សអង្គការសហប្រជាជាតិបានបង្ហាញការព្រួយបារម្ភចំពោះបទបញ្ជាថ្មីរបស់រដ្ឋបាល ដូណាល់ ត្រាំ ដែលបានលុបចោលគោលនយោបាយអន្តោប្រវេសន៍ សម្រាប់ពន្យារសម្រាប់ជនអន្តោប្រវេសន៍ (DACA) ដែលចូលទៅក្នុងទឹកដីអាមេរិក ដោយគ្មានឯកសារត្រឹមត្រូវ។ ការព្រួយបារម្ភនេះ បានធ្វើឡើងតាមរយៈសេចក្ដីថ្លែងការណ៍របស់ឧត្ដមស្នងការសិទ្ធិមនុស្សរបស់អង្គការសហប្រជាជាតិ នៅក្នុងសម័យប្រជុំលើកទី៣៦ នៃក្រុមប្រឹក្សាសិទ្ធិមនុស្ស កាលពីថ្ងៃទី១១ ខែកញ្ញា ឆ្នាំ២០១៧។
ការព្រួយបារម្ភរបស់ប្រមុខសិទ្ធិមនុស្សអង្គការសហប្រជាជាតិនេះ គឺដោយសារការលុបចោលគោលនយោបាយ (DACA) នេះ នឹងប៉ះពាល់ដល់យុវជនប្រមាណ ៨០ម៉ឺននាក់ ដែលកំពុងរស់នៅក្នុងទឹកដីអាមេរិក ដោយគ្មានឯកសារត្រឹមត្រូវ។ ក្រោយការលុបនេះ យុវជនទាំង ៨០ម៉ឺននាក់ ដែលរស់នៅ និងធ្វើការនៅអាមេរិក ដោយគ្មានឯកសារត្រឹមត្រូវនោះ នឹងត្រូវប្រឈមនៅការបញ្ជូនត្រឡប់ទៅប្រទេសកំណើតរបស់ពួកគេវិញ។
ជាងនេះទៅទៀត ប្រមុខសិទ្ធិមនុស្សអង្គការសហប្រជាជាតិរូបនេះ ក៏បានបង្ហាញការព្រួយបារម្ភពីការចាប់ខ្លួន និងការបញ្ជូនខ្លួនជនអន្តោប្រវេសន៍មកប្រទេសកំណើតវិញ ដែលរយៈពេល ៥ខែដើមឆ្នាំ ២០១៧នេះ មានការកើនឡើងរហូតដល់ ១៥៥% បើធៀបរយៈពេលដូចគ្នាក្នុងឆ្នាំ២០១៦៕