រថភ្លើងលឿនដាច់គេលើលោក បើជិះពីភ្នំពេញទៅកំពង់សោម ប្រើពេលមិនដល់កន្លះម៉ោង
- 2017-09-15 06:52:00
- ចំនួនមតិ 0 | ចំនួនចែករំលែក 0
រថភ្លើងលឿនដាច់គេលើលោក បើជិះពីភ្នំពេញទៅកំពង់សោម ប្រើពេលមិនដល់កន្លះម៉ោង
ចន្លោះមិនឃើញ
តើរថភ្លើងណាមួយដែលមានល្បឿនលឿនបំផុតលើពិភពលោកនេះ? ថ្ងៃនេះ Kley Kley សូមបង្ហាញពីរថភ្លើងចំនួន ៦គ្រឿង ដែលលឿនជាងគេលើពិភពលោក ដូចខាងក្រោម៖
១.រថភ្លើង Maglev Bullet – ប្រទេសជប៉ុន
វាត្រូវបានដាក់ឲ្យប្រើប្រាស់នៅឆ្នាំ២០១៥ ហើយបច្ចុប្បន្នកំពុងគ្រងតំណែងទី១ ជារថភ្លើងល្បឿនលឿនគ្មានគូប្រដូចបាន។ រថភ្លើង Maglev Bullet អាចរត់បានល្បឿនអតិបរមា ៦០៣គីឡូម៉ែត្រក្នុង១ម៉ោង និងផ្ទុកអ្នកដំណើរបាន ៩០០នាក់។
ឧទាហរណ៍៖ បើមានរថភ្លើងនេះនៅកម្ពុជា នោះការធ្វើដំណើរពីភ្នំពេញទៅក្រុងព្រះសីហនុ ដែលមានរយៈចម្ងាយប្រមាណ ២៣០គីឡូម៉ែត្រ នឹងប្រើពេលត្រឹមតែជាង ២០នាទីប៉ុណ្ណោះ។
២.រថភ្លើង LGV Est – ប្រទេសបារាំង
LGV Est អាចរត់ក្នុងល្បឿនអតិបរមា ៥៧៤គីឡូម៉ែត្រក្នុង១ម៉ោង ហើយវាធ្លាប់គ្រងតំណែងកំពូលជារថភ្លើងលឿនដាច់គេ មុនការមកដល់របស់ Maglev Bullet។
៣.រថភ្លើង LGV Atlantique – ប្រទេសបារាំង
រថភ្លើងមួយនេះ អាចរត់បានក្នុងល្បឿន ៥១៥គីឡូម៉ែត្រក្នុង១ម៉ោង។ LGV Atlantique ត្រូវដាក់ឲ្យប្រើប្រាស់អំឡុងឆ្នាំ ១៩៨៩-១៩៩០។
៤.រថភ្លើង CRH380A – ប្រទេសចិន
ពេលរត់សាកល្បងដំបូង CRH380A អាចធ្វើដំណើរក្នុងល្បឿន ៤៨៧គីឡូម៉ែត្រក្នុង១ម៉ោង។ ប៉ុន្តែដល់ពេលដាក់ឲ្យប្រើជាផ្លូវការ វាត្រូវគេបើកត្រឹមល្បឿន ៤០០គីឡូម៉ែត្រប៉ុណ្ណោះ។ រថភ្លើងរបស់ចិននេះ អាចផ្ទុកអ្នកដំណើរបាន ៤៩៤នាក់។
៥.រថភ្លើង TR-09 – ប្រទេសអាល្លឺម៉ង់
TR-09 របស់អាល្លឺម៉ង់ មានល្បឿនអតិបរមា ៤៥០គីឡូម៉ែត្រក្នុង១ម៉ោង។
៦.រថភ្លើង Shinkansen – ប្រទេសជប៉ុន
រថភ្លើងលឿនទី២របស់ប្រទេសជប៉ុន អាចរត់ក្នុងល្បឿន ៤២៥-៤៤៥គីឡូម៉ែត្រក្នុង១ម៉ោង៕