គ្រាប់បែក១គ្រាប់ ត្រូវគេលួចបង្កៃនៅមន្ទីរពេទ្យជោរៃភ្នំពេញ

2017-09-20 06:48:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជនមិនស្គាល់អត្តសញ្ញាណបានយកគ្រាប់បែក ១គ្រាប់ ទៅប្លុងចោលនៅក្នុងកន្លែងផ្ញើម៉ូតូ នៃមន្ទីរពេទ្យជោរៃ ស្ថិតនៅផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ កាលពីវេលាម៉ោងជាង ១០ យប់មិញនេះ (១៩ កញ្ញា)។

របាយការណ៍ប៉ូលិសបានឲ្យដឹងថា សន្តិសុខយាមម៉ូតូនៅចំណុចខាងលើ បានដើររើសសំរាម និងត្រួតពិនិត្យកន្លែងផ្ញើម៉ូតូ ក៏ប្រទះឃើញគ្រាប់បែក ១ គ្រាប់ ពណ៌ខ្មៅ រុំស្គុតសពីក្រៅ នៅក្បែរកង់ម៉ូតូ ផ្នែកខាងក្រោយ (ម៉ូតូម៉ាកស្គូពី ពណ៌ក្រហម)។

ដំបូងឡើយ សន្តិសុខស្មានតែជាឆ្នាំងសាកទូរសព្ទដៃ ក៏រើសយកមកបំភ្លឺភ្លើងមើល ទើបដឹងថាជាគ្រាប់បែក ក៏ទុកនៅលើតុ រួចទៅរាយការណ៍ប្រាប់អនុប្រធានមន្ទីរពេទ្យ រួចនាំគ្នាទៅរាយការណ៍ប្រាប់សមត្ថកិច្ចនគរបាលខណ្ឌច្បារអំពៅ។

សមត្ថកិច្ច បានចុះធ្វើការត្រួតពិនិត្យនៅកន្លែងកើតហេតុ ក៏បានរកឃើញប្រអប់ក្រដាសពណ៌ស-លាយខៀវ បិទស្គុតពណ៌ស ១ ប្រអប់ទៀត នៅក្នុងឃ្លុបម៉ូតូដែលមានគ្រាប់បែកពីក្រោម។ សមត្ថកិច្ច បានដកហូត វត្ថុតាង (គ្រាប់បែក និងប្រអប់ ១) រួមទាំងម៉ូតូ ព្រមទាំងអញ្ជើញម្ចាស់ម៉ូតូ និសន្តិសុខយាមម៉ូតូម្នាក់ ទៅអធិការដ្ឋានប៉ូលិសខណ្ឌច្បារអំពៅ ដើម្បីធ្វើការសាកសួរ។ ចំណែកគ្រាប់បែក និងប្រអប់ក្រដាស រង់ចាំអង្គភាពជំនាញស៊ីម៉ាក់ ត្រួតពិនិត្យ៕