Leo ថា កីឡាករ២នាក់ដែលត្រូវកាត់ចេញពីក្រុមជម្រើសជាតិកាលស៊ីហ្គេម នៅមានសង្ឃឹម

2017-10-03 08:19:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូបង្វឹកក្រុមជម្រើសជាតិកម្ពុជា លោក Leonardo Vitorino បានលើកឡើងពីកីឡាករ ពីររូបដែលរូបលោកបានកាត់ចេញពីក្រុមជម្រើសជាតិអាយុក្រោម ២២ឆ្នាំ កាលពីព្រឹត្តិការណ៍ស៊ីហ្គេមលើកទី២៩ នៅប្រទេសម៉ាឡេស៊ី នាពេលកន្លងទៅ។ លោកបានបញ្ជាក់ថា កីឡាករទាំងពីរនឹងអាចត្រូវបានកោះហៅចូលក្រុមជម្រើសជាតិវិញជាថ្មី នៅពេលអនាគត ប្រសិនបើពួកគេខិតខំប្រឹងប្រែងបន្ថែមទៀត ជាពិសេសត្រូវគោរពវិន័យ។

លោក Leonardo Vitorino

ការលើកឡើងរបស់គ្រូបង្វឹកសញ្ជាតិប្រេស៊ីល បានធ្វើឡើងក្នុងសន្និសីទសារព័ត៌មាន កាលពីព្រឹកថ្ងៃទី៣តុលានេះ មុនការប្រកួតមិត្តភាពទល់នឹងក្រុមម្ចាស់ផ្ទះជម្រើសជាតិឥណ្ឌូណេស៊ី នៅថ្ងៃទី៤តុលា។

លោកបានថ្លែងថា៖ «នៅពេលអនាគត ពួកគេនឹងចងចាំ ហើយខំប្រឹងអភិវឌ្ឍខ្លួនឯង... នៅពេលអនាគតពួកគេនឹងអាចវិលត្រឡប់មកក្រុមជម្រើសជាតិវិញ។ ប៉ុន្តែមិនមែនពេលនេះទេ»។

សូមរឭកថា កីឡាករពីររូបដែលលោក Leonardo បានកាត់ចេញពីក្រុមជម្រើសជាតិមុនជំនួបជាមួយ U22 ឥណ្ឌូណេស៊ី កាលពីស៊ីហ្គេម គឺកីឡាករ ច្រឹង ពលរដ្ឋ និង សំអឿន ពិដោរ។ មូលហេតុ ត្រូវបានគ្រូបង្វឹកដដែលលើកឡើងថា ដោយសារពួកគេមិនគោរពវិន័យរបស់ក្រុមជម្រើសជាតិ៕