ឧទ្យានជាតិវីរជ័យ ជាតំបន់ទេសចរណ៍ដ៏មានសក្តានុពល
- 2017-10-05 10:29:31
- ចំនួនមតិ 0 | ចំនួនចែករំលែក 0
ឧទ្យានជាតិវីរជ័យ ជាតំបន់ទេសចរណ៍ដ៏មានសក្តានុពល
ចន្លោះមិនឃើញ
ឧទ្យានជាតិវីរជ័យ ជាតំបន់សម្បូរទៅដោយសត្វព្រៃជាច្រើន និងមានធម្មជាតិដ៏ស្រស់ត្រកាល ដែលបានធ្វើឲ្យឧទ្យាននេះ ក្លាយជាតំបន់ដ៏មានសក្តានុពលសម្រាប់វិស័យទេសចរណ៍។
ក្រសួងបរិស្ថានបានឲ្យដឹងនៅថ្ងៃទី៥តុលាថា ឧទ្យានជាតិវីរជ័យស្ថិតក្នុងភូមិសាស្ត្រខេត្តរតនគីរី និងខេត្តស្ទឹងត្រែងដែលមានផ្ទៃដីជាង ៣៣ម៉ឺនហិកតា។ តំបន់នេះមានសត្វព្រៃជាច្រើនកំពុងរស់នៅដែលមានដូចជា សត្វស្វាកន្ទុយសរ ទោច ជ្រូកព្រៃ ឈ្លូស ប្រើស ខ្លាត្រី ខ្លាពពក ខ្ទីង និង ខ្លាឃ្មុំជាដើម។
មិនត្រឹមតែប៉ុណ្ណោះ នៅពេលដែលចូលទៅព្រៃជ្រៅនោះមានទឹកជ្រោះមួយហៅថា(ទឹកជ្រោះយក្សកែ)នៅរដូវវស្សាទឹកធ្លាក់នោះ ស្អាតណាស់ហើយថ្លាមែនទែន ដែលគួរឲ្យចាប់អារម្មណ៍យ៉ាងខ្លាំង ដែលមានទឹកគ្រប់គ្រាន់សម្រាប់ការលេងកម្សាន្ត។ ដើម្បីទៅដល់ទីតាំងនេះ អ្នកទេសចរ ត្រូវធ្វើដំណើរប្រមាណ ១៥គីឡូម៉ែត្រ ពីស្រុកតាវែង ទៅដល់ភូមិមណ្ឌលយ៉ន ដែលអ្នកទេសចរត្រូវឆ្លងកាត់ទន្លេសេសាន និងអូរតាបូកនៅទីនោះ ហើយអាចមើលឃើញផ្កាព្រៃ និងទេសភាពនានា។
ដោយឡែកនៅក្នុងតំបន់ឧទ្យានជាតិវីរជ័យ គឺមានជនជាតិដើមភាគតិចព្រៅ ជាម្ចាស់ស្រុកដែលនឹងធ្វើបដិសណ្ឋារកិច្ចចំពោះភ្ញៀវទេសចរ ផ្តល់ការស្នាក់នៅដោយផាសុខភាពបែបជនជាតិ និងការរីករាយជាមួយវប្បធម៌ប្រពៃណី ម្ហូបអាហារ និងស្រាពាងរបស់ជនជាតិដើមព្រៅ៕