បណ្ដូលពេជ្រដ៏ល្វីង អាចច្នៃធ្វើជាដំណាប់ កំពុងពេញនិយមនៅស្រុកកណ្ដាលស្ទឹង

2017-10-09 09:14:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដំណាប់បណ្ដូលពេជ្រ ដែលកែច្នៃពី វល្លិបណ្ដូលពេជ្រដ៏ល្វីង ជាដំណាប់ប្រពៃណីមួយមុខរបស់អ្នកភូមិត្រពាំងសំរឹទ្ធ ស្ថិតនៅស្រុកកណ្ដាលស្ទឹង ខេត្តកណ្ដាល។

អ្នកស្រី តូ សុខលី អ្នកភូមិត្រពាំងសំរឹទ្ធ បានប្រាប់ថា ដំណាប់នេះ មានយូរយារណាស់មកហើយ។ ថ្វីបើវាសាមញ្ញសម្រាប់អ្នកស្រុកនេះ តែស្ត្រីរូបនេះអះអាងថា ប្រជាជនមកពីតំបន់ផ្សេង តែងចាប់អារម្មណ៍ នឹងចម្លែកចិត្តចង់ទិញភ្លក់នូវដំណាប់ បណ្ដូលពេជ្រ ដែលពួកគេ ធ្លាប់តែដឹងថាមានរសជាតិដើមល្វីងនោះ។

អ្នកស្រី តូ សុខលី

ធ្លាប់លក់តាំងពីក្មេង ស្ត្រីវ័យ៣៥ឆ្នាំរូបនេះបន្ថែមថា ដំណាប់បណ្ដូលពេជ្រ ស្នាដៃអ្នកភូមិនេះ ផ្អែមដូចដំណាប់ផ្សេងៗដែរ តែគេជឿថាទំនង មានគុណប្រយោជន៍ក្នុងការទទួលទាន ត្បិត វល្លិបណ្ដូលពេជ្រ ជាថ្នាំត្រជាក់ ដែលប្រជាជនខ្មែរតាមស្រែចម្ការ និយមធ្វើជាថ្នាំបុរាណ ថ្នាំត្រាំស្រាជំនួសសុខភាព ជាដើម៕

អត្ថបទ៖ ឈាង.