រុស្ស៊ី នឹងបញ្ជូនកំពូលខែលមីស៊ីលដ៏ទំនើបបំផុត ទៅតួកគី នៅឆ្នាំ២០១៩

2017-11-23 02:04:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រុស្ស៊ី គ្រោងនឹងបញ្ជូនប្រព័ន្ធខែលមីស៊ីល S-400 ទី១ ទៅប្រទេសតួកគី នៅក្នុងឆ្នាំ២០១៩។ នេះបើតាមការបញ្ជាក់ពីលោក Nurettin Canikli រដ្ឋមន្រ្តីការពារជាតិតួកគី ដែលបានថ្លែងទៅកាន់គណៈកម្មាធិការផែនការ និងថវិកានៃសភា កាលពីថ្ងៃទី២២វិច្ឆិកា។

លោកបានឲ្យដឹងថា តួកគី បានចុះកិច្ចព្រមព្រៀងទិញខែលមីស៊ីល S-400 ពីរុស្ស៊ី ចំនួន២គ្រឿង ក្នុងនោះ ១គ្រឿង នឹងបញ្ជូនទៅតួកគី នៅក្នុងឆ្នាំ២០១៩។

ខែលមីស៊ីល S-400 គឺជាប្រព័ន្ធមីស៊ីលរយៈចម្ងាយវែងដ៏ទំនើបបំផុត សម្រាប់ប្រឆាំងនឹងយន្តហោះ ដោយវាអាចបំពាក់មីស៊ីល ៣ប្រភេទ និងមានសមត្ថភាពកម្ទេចទិសដៅនានាបានផងដែរ។

ទោះជាយ៉ាងណា កិច្ចព្រមព្រៀងនេះ បានបង្កើនក្តីបារម្ភក្នុងចំណោមសម្ព័ន្ធមិត្តអង្គការណាតូ ព្រោះតួកគី ក៏ជាសមាជិក១ផងដែរ ហើយខែលមីស៊ីលរបស់រុស្ស៊ីនេះ មិនអាចរួមបញ្ចូលគ្នាជាមួយប្រព័ន្ធការពារដែនអាកាសរបស់សមាជិកណាតូដទៃទៀតឡើយ។ រដ្ឋាភិបាលតួកគី អះអាងថា ខ្លួនគ្មានជម្រើសណា ក្រៅពីទិញខែលមីស៊ីលរបស់រុស្ស៊ីឡើយ ដោយសារតែតម្លៃធូរថ្លៃ៕

ប្រភព៖ Reuters ប្រែសម្រួល៖ សំភី