ឃាត់រថយន្តដឹកគ្រាប់បែកផាវជាង ៥ពាន់គ្រាប់ ដែលបម្រុងដាក់លក់តាមទីផ្សារ
- 2017-12-05 08:09:57
- ចំនួនមតិ 0 | ចំនួនចែករំលែក 0
ឃាត់រថយន្តដឹកគ្រាប់បែកផាវជាង ៥ពាន់គ្រាប់ ដែលបម្រុងដាក់លក់តាមទីផ្សារ
ចន្លោះមិនឃើញ
រតនគីរី៖ កម្លាំងនគរបាលក្រុងបានលុង សហការជាមួយកម្លាំងអាវុធហត្ថខេត្ត កាលពីថ្ងៃទី៤ ខែធ្នូ ឆ្នាំ២០១៧ បានឃាត់រថយន្តសាំយ៉ុង១គ្រឿង ពណ៌លឿងពាក់ស្លាកលេខ ស្ទឹងត្រែង ២A-០១៧១ ផ្ទុកកេះគ្រាប់បែកផាវ ដែលច្បាប់ហាមឃាត់ មិនឲ្យធ្វើការលក់ដូរតាមទីផ្សារ។
នគរបាលក្រុងបានលុង ប្រាប់ឲ្យដឹងថា ក្នុងប្រតិបត្តិការនេះ បានឃាត់ខ្លួនមនុស្ស២នាក់ រួមទាំងវត្ថុតាងជាគ្រាប់បែកផាវចំនួន ៦កេះ មាន ៣៦កញ្ចប់ ស្មើនឹង ៥៤០០គ្រាប់។ បច្ចុប្បន្នវត្ថុតាងត្រូវបាននាំយកទៅរក្សាទុកនៅស្នងការ នគរបាលខេត្តរតនគិរី ដើម្បីចាត់វិធានការតាមផ្លូវច្បាប់៕