កត្តាដែលជំរុញឲ្យ ធារី ចន្ថាប៊ីន សម្រេចចិត្តទៅលេងឲ្យ Terengganu FC

2017-12-05 09:09:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សាមីខ្លួនកីឡាករ ធារី ចន្ថាប៊ីន បានបញ្ជាក់ថា ខ្លួនបានចុះកុងត្រារយៈពេល ១ឆ្នាំជាមួយក្លឹប Terengganu FC ដែលនឹងចូលរួមប្រកួតប្រជែងក្នុងលីគកំពូលម៉ាឡេស៊ី រដូវកាលក្រោយ បន្ទាប់ពីចាកចេញពីក្លឹបអគ្គិសនីកម្ពុជា។

កីឡាករវ័យ ២៦ឆ្នាំរូបនេះបានបង្ហើបប្រាប់សារព័ត៌មាន TheMorning ថា៖ «ខ្ញុំបានចុះកុងត្រា ១ឆ្នាំជាមួយពួកគេ (Terengganu FC)។ ខ្ញុំចង់លេងនៅលីគកំពូលម៉ាឡេស៊ី ហើយក្លឹបនេះធ្លាប់មានប្រវត្តិជោគជ័យជាច្រើន ដែលធ្វើឲ្យរូបខ្ញុំរីករាយ និងមានមោទនភាព (ក្នុងការលេងឲ្យពួកគេ)។ ខ្ញុំនឹងព្យាយាមឲ្យអស់ពីសមត្ថភាព ដើម្បីជួយពួកគេបន្តនៅលីគកំពូលម៉ាឡេស៊ី រដូវកាលក្រោយៗទៀត។ (លីគកំពូលម៉ាឡេស៊ី) គឺខ្លាំង ដួច្នេះវាជារឿងល្អសម្រាប់ខ្ញុំ ដើម្បីរៀនសូត្របន្ថែម ហើយខ្ញុំសង្ឃឹមថានឹងអាចនៅទីនេះបានយូរតាមដែលអាចធ្វើទៅបាន ប្រសិនបើខ្ញុំលេងបានល្អ»។

ខ្សែបម្រើដដែល បានលេងឲ្យក្លឹប Krabi FC នៅលីគទីពីរថៃ បានពាក់កណ្ដាលរដូវកាល ក្នុងឆ្នាំ២០១៧នេះ មុនផ្ទេរទៅក្លឹបអគ្គិសនីកម្ពុជា ក្នុងលក្ខខណ្ឌខ្ចីជើង នៅលីគកំពូលកម្ពុជា៕

អត្ថបទ៖ លាភ.