កែវ រំចង់ សម្រកទម្ងន់ពី ៨៧គ.ក មកត្រឹម ៧៦គ.ក ក៏ព្រោះតែហេតុផលមួយនេះ

2017-12-06 03:21:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់ល្បីល្បាញរបស់កម្ពុជា កីឡាករ កែវ រំចង់ បានសម្រកទម្ងន់របស់ខ្លួន ជាង ១០គីឡូក្រាម ព្រោះនឹងត្រូវឡើងប្រកួតអន្តរជាតិ នាចុងខែធ្នូ ឆ្នាំ២០១៧ ខាងមុខនេះ។

កែវ រំចង់ បានលើកឡើងថា សព្វថ្ងៃនេះខ្លួនបានខិតខំប្រឹងប្រែងហ្វឹកហាត់ និងព្យាយាមសម្រកទម្ងន់ពី ៨៧ គីឡូក្រាម រហូតមកត្រឹម ៧៦ គីឡូក្រាមប៉ុណ្ណោះ។ អ្នកប្រដាល់មកពីខេត្តបាត់ដំបងដដែលបន្ថែមថា លោកព្យាយាមរត់ជាប្រចាំ និងតមអាហារមួយចំនួន។ ជាពិសេស គឺបរិភោគអាហារដែលមានថាមពល។

កីឡាករ កែវ រំចង់ នឹងឡើងសង្វៀននៅថ្ងៃទី២២ ខែធ្នូ ឆ្នាំ២០១៧ ក្នុងកម្មវិធីគូបូតា នៅបាយ័នស្ទឹងមានជ័យ ប៉ុន្តែមិនទាន់ដឹងថាប៉ះជើងខ្លាំងថៃរូបណានោះទេ។ នេះជាការវិលចូលសង្វៀនជាថ្មីក្រោយពីអ្នកប្រដាល់រូបនេះអាក់ខានតាំងពីមានរបួសដួលម៉ូតូនាចុងឆ្នាំ២០១៦មកម្ល៉េះ៕

ប្រភព៖ Sabay News អត្ថបទ៖ នួន ស៊ីណា