វឌ្ឍនាកា បង្ហើបថា នឹងលេងនៅក្លឹបបរទេស ក្នុងរដូវកាលថ្មី

2017-12-07 10:07:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធក្រុមជម្រើសជាតិកម្ពុជា ចាន់ វឌ្ឍនាកា បានបង្ហើបថា នឹងបន្តលេងនៅក្លឹបបរទេស១ ក្នុងរដូវកាលថ្មី។ ការបញ្ជាក់នេះ បន្ទាប់ពី CV11 បានបញ្ចប់លក្ខខណ្ឌខ្ចីជើងជាមួយក្លឹបលីគទី៣ជប៉ុន Fujieda និងបានវិលត្រឡប់មកកម្ពុជាវិញហើយ នៅថ្ងៃទី៧ ខែធ្នូ ឆ្នាំ២០១៧នេះ។

ចាន់ វឌ្ឍនាកា និយាយទៅកាន់អ្នកកាសែត នៅព្រលានយន្តហោះអន្តរជាតិភ្នំពេញ ថ្ងៃទី៧ ខែធ្នូ

វឌ្ឍនាកា អះអាងថា រូបគេបានព្រមព្រៀងលក្ខខណ្ឌផ្ទាល់ខ្លួនរួចរាល់អស់ហើយជាមួយក្លឹបបរទេសនោះ តែសុំលាក់ឈ្មោះសិន។ កីឡាកររូបនេះ បន្ថែមថា ក្លឹបថ្មីរបស់ខ្លួនមានលក្ខខណ្ឌប្រសើរជាងក្លឹបចាស់ ហើយរូបគេសង្ឃឹមខ្ពស់ក្នុងការបង្ហាញខ្លួនក្នុងជម្រើស១១នាក់ដំបូង។

ចាន់ វឌ្ឍនាកា មកដល់កម្ពុជាវិញ នៅថ្ងៃទី៧ ខែធ្នូ បន្ទាប់ពីបញ្ចប់កុងត្រាជាមួយក្លឹប Fujieda

គួរបញ្ជាក់ដែរថា ថ្មីៗនេះ ប៉ុស្តិ៍ទូរទស្សន៍ថៃមួយ ដែលមានឈ្មោះថា SSF បានផ្សាយពីការចាប់អារម្មណ៍របស់ក្លឹប Chiangrai United មកលើកីឡាករឆ្នើមកម្ពុជា ចាន់ វឌ្ឍនាកា បន្ទាប់ពីមានពាក្យចចាមអារ៉ាមថាក្លឹបនេះ ចង់បានរូបគេទៅចូលរួមនៅរដូវកាលក្រោយ។ Chiangrai United បានកំណត់លក្ខខណ្ឌមួយ ដោយកីឡាករដែលមានប្រភពមកពីខេត្តកំពតរូបនេះ ត្រូវយល់ព្រមលើតម្លៃប្រាក់ឈ្នួល មិនលើសពី ២០ម៉ឺនបាតក្នុង១ខែ ឬ ជាង ៦ពាន់ដុល្លារក្នុង១ខែ។ ទោះជាយ៉ាងណា មកទល់ពេលនេះ មិនទាន់មានការប្រកាសជាផ្លូវការពីការយល់ព្រមណាមួយរវាងភាគីទាំង២ នៅឡើយទេ៕

រូបភាពខ្លះៗ ពីការមកដល់របស់ ចាន់ វឌ្ឍនាកា៖