ផ្លូវការ៖ កែវ សុខផេង ចុះកុងត្រានៅក្លឹបក្នុងលីគកំពូលម៉ាឡេស៊ី

2017-12-11 11:53:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ កែវ សុខផេង របស់ភ្នំពេញក្រោន បានចុះកុងត្រារយៈពេល ១ឆ្នាំនៅក្លឹប PKNP F.C (Perak State Development Corporation Football Club) របស់ម៉ាឡេស៊ី នាថ្ងៃទី១១ ខែធ្នូនេះ។

ការចុះកុងត្រានេះ មានន័យថា កែវ សុខផេង ក្លាយជាកីឡាករកម្ពុជាទី២ ដែលបានផ្លាស់ទៅលេងនៅលីគកំពូលម៉ាឡេស៊ី បន្ទាប់ពីធារី ចន្ថាប៊ីន ដែលបានផ្លាស់ទៅលេងនៅក្លឹប Terengganu FC កាលពីពេលថ្មីៗកន្លងទៅ។

កែវ សុខផេង ចុះកុងត្រាជាមួយក្លឹប PKNP FC (រូបភាព៖ ផ្ដល់ឲ្យ)

ក្រោយចុះកុងត្រា ខ្សែប្រយុទ្ធក្រុមជម្រើសជាតិកម្ពុជារូបនេះ បានថ្លែងអំណរគុណដល់អ្នកគាំទ្រទាំងអស់ ដែលបានគាំទ្ររូបខ្លួនតាំងពីដើមរៀងមក ជាពិសេសគឺអ្នកគាំទ្រក្រុមបាល់ទាត់ភ្នំពេញក្រោន។

គួរបញ្ជាក់ថា ក្លឹប PKNP FC ជាក្លឹបដែលទើបបង្កើតកាលពីឆ្នាំ២០១៥ ប៉ុន្តែបានឡើងមកលេងលីគកំពូលម៉ាឡេស៊ី នារដូវកាលថ្មី ២០១៨ ខាងមុខនេះ។ មុនចុះកុងត្រាជាមួយកែវ សុខផេង ក្លឹប PKNP ក៏បានចុះកុងត្រាជាមួយកីឡាករកូរ៉េខាងត្បូង Gi Sung Yeon របស់ភ្នំពេញក្រោនផងដែរ៕