រុស្ស៊ី និងអាមេរិក ប្រកាសពីភាពជោគជ័យដូចគ្នា ក្នុងប្រតិបត្តិការយោធានៅស៊ីរី និងអ៊ីរ៉ាក់

2017-12-14 07:09:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យវិមានគ្រែមឡាំង លោក Dmitry Peskov បានបញ្ជាក់នៅថ្ងៃទី១៤ ខែធ្នូនេះថា ប្រតិបត្តិការវាយប្រហារតាមផ្លូវអាកាសរបស់រុស្ស៊ី នៅប្រទេសស៊ីរី បានឈានដល់គោលដៅចុងក្រោយហើយ ដោយបានរំដោះទឹកដីស៊ីរី ចេញពីការកាន់កាប់របស់ក្រុម IS។ លោក Peskov បានចាត់ទុកប្រធានាធិបតីរុស្ស៊ី លោក វ្លាឌីមៀ ពូទីន ជាអ្នកដើរតួនាទីដ៏សំខាន់ ក្នុងការបញ្ជាប្រតិបត្តិការយោធានេះ។

ចំណែកប្រធានាធិបតីអាមេរិក លោក ដូណាល់ ត្រាំ បានប្រកាសថា អាមេរិក បានសម្រេចជោគជ័យ ទៅលើក្រុម IS នៅប្រទេសអ៊ីរ៉ាក់ និងស៊ីរីផងដែរ។ មិនតែប៉ុណ្ណោះ អ្នកនាំពាក្យមន្ទីរបញ្ចកោណអះអាងថា ទាហានស៊ីរី ដែលមានការគាំទ្រតាមផ្លូវអាកាសពីរុស្ស៊ីនោះ បានចូលរួមតិចតួចប៉ុណ្ណោះ ក្នុងការបង្ក្រាបក្រុមជ្រុលនិយមនេះ។

គួររំលឹកថា រុស្ស៊ី បានបើកប្រតិបត្តិការវាយប្រហារតាមផ្លូវអាកាសទៅលើក្រុម IS តាំងពីថ្ងៃទី៣០ ខែកញ្ញា ឆ្នាំ២០១៥។ មុនពេលបើកប្រតិបត្តិការ ទឹកដីស៊ីរីជាង ៧០% គឺស្ថិតក្រោមការគ្រប់គ្រងរបស់ក្រុម IS។ ប៉ុន្តែចំនួននេះ បានធ្លាក់ចុះសល់តិចជាង ៥% ក្នុងឆ្នាំ២០១៧។ រី៑ឯអាមេរិក បានដឹកនាំកងទ័ពសម្ព័ន្ធមិត្ត បើកយុទ្ធនាការវាយប្រហារទៅលើក្រុម IS នៅអ៊ីរ៉ាក់ និងស៊ីរី ក្នុងឆ្នាំ២០១៤៕