ប៉ាគីស្ថាន កំពុងអភិវឌ្ឍអាវុធនុយក្លេអ៊ែរប្រភេទថ្មី ដែលបង្កគ្រោះថ្នាក់ក្នុងតំបន់

2018-02-14 04:31:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានភ្នាក់ងារចារកម្មអាមេរិក លោក Dan Coat បានព្រមានថា ប្រទេសប៉ាគីស្ថាន កំពុងអភិវឌ្ឍអាវុធនុយក្លេអ៊ែរប្រភេទថ្មីៗ ដែលអាចបង្កគ្រោះថ្នាក់ដល់សន្តិសុខនៅក្នុងតំបន់។ លោកអះអាងដូច្នេះ ទៅកាន់សភាអាមេរិក នៅថ្ងៃទី១៤ ខែកុម្ភៈ ឆ្នាំ២០១៨។

មីស៊ីលដែលយោធាប៉ាគីស្ថាន បានដង្ហែក្បួននាពេលកន្លងមក

អាវុធនុយក្លេអ៊ែថ្មីៗដែលប៉ាគីស្ថានកំពុងផលិតនោះរួមមាន អាវុធយុទ្ធសាស្រ្តចម្ងាយខ្លី មីស៊ីលបាញ់ចេញពីសមុទ្រ មីស៊ីលបាញ់នៅលើអាកាស និងមីស៊ីលបាលីស្ទីករយៈចម្ងាយឆ្ងាយជាងមុន។

គួរកត់សម្គាល់ដែរថា យោធាប៉ាគីស្ថាន បានធ្វើតេស្តសាកល្បងដោយជោគជ័យជាលើកដំបូង នូវមីស៊ីលបាលីស្ទីក (បាញ់ពីផ្ទៃដី ទៅកាន់គោលដៅ១ទៀតនៅលើផ្ទៃដី) ក្នុងចម្ងាយជាង ២២០០គីឡូម៉ែត្រ កាលពីខែមករា ឆ្នាំ២០១៧។ មីស៊ីលនេះ មានសមត្ថភាពអាចបំពាក់ក្បាលគ្រាប់នុយក្លេអ៊ែរផងដែរ។

មីស៊ីលដែលប៉ាគីស្ថានធ្វើតេស្ត កាលពីខែមករា ឆ្នាំ២០១៧

លោក Dan Coat ក៏បានព្រមានដែរថា ក្រុមភេរវកម្មដែលគាំទ្រដោយប៉ាគីស្ថាននោះ នឹងបន្តអនុវត្តការវាយប្រហារនៅឥណ្ឌា ដែលបង្កឲ្យមានភាពតានតឹងកាន់តែខ្លាំងរវាងប្រទេសទាំង២៕

ប្រភព៖ Zee News ប្រែសម្រួល៖ សំភី