ប៉ាគីស្ថាន បាញ់សាកល្បងមីស៊ីលកម្ទេចនាវា ដោយជោគជ័យ

2018-03-06 07:01:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប៉ាគីស្ថាន បានសម្រេចជោគជ័យក្នុងការបាញ់សាកល្បងមីស៊ីលចម្ងាយឆ្ងាយកម្ទេចនាវា ចំគោលដៅដែលបានកំណត់ នៅក្នុងសមុទ្រអារ៉ាប់ភាគខាងជើង។ នេះបើតាមការសេចក្ដីថ្លែងការរបស់កងទ័ពជើងទឹកប៉ាគីស្ថាន បានចេញ កាលពីថ្ងៃចន្ទ ទី០៥ មីនាម្សិលមិញ។

មីស៊ីលបាញ់ចេញពី នាវាយោធា SAIF

សមយុទ្ធយោធារួមគ្នាមួយ រវាងកងទ័ពជើងទឹក និងកងទ័ពជើងអាកាសប៉ាគីស្ថាន បានបាញ់សាកល្បងនូវមីស៊ីលកម្ទេចនាវា ប្រភេទ C-802 AK ដែលត្រូវបានបាញ់ចេញពីយន្តហោះយោធា JF-17 Thunder និង នាវាយោធា SAIF ។

សេចក្តីថ្លែងការដដែលនេះ បានសង្កត់ធ្ងន់ថា ជោគជ័យនៃសមយុទ្ធយោធារួមគ្នានេះ បានបង្ហាញចេញនូវ ចំណង់ក្នុងការធ្វើការជាមួយគ្នា និងសហការគ្នា រវាងស្ថាប័នកំពូលទាំងពីររបស់ជាតិ។

សូមជម្រាបថា លោក Zafar Mahmood Abbasi មេបញ្ជាការកងទ័ពជើងទឹកបានថ្លែងថា កងទ័ពជើងទឹកប៉ាគីស្ថាន កំពុងប្រែក្លាយជាកងកម្លាំងដ៏ខ្លាំងក្លា ដែលមានសមត្ថភាពពេញលេញក្នុងការការពារផលប្រយោជន៍ជើងទឹក និងជាពិសេសចូលរូមទទួលខុសត្រូវផ្នែកសន្តិសុខ ក្នុងតំបន់មហាសមុទ្រឥណ្ឌា៕