រដ្ឋមន្ត្រីក្រសួងមហាផ្ទៃប៉ាគីស្ថាន ត្រូវគេលួចធ្វើឃាត មុនការបោះឆ្នោតថ្នាក់ជាតិ

2018-05-07 01:51:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្ត្រីក្រសួងមហាផ្ទៃប៉ាគីស្ថាន លោកAhsan Iqbal ត្រូវបានរងការបាញ់ប្រហារក្នុងគម្រោងប៉ុនប៉ងលួចធ្វើឃាតមួយមុនការបោះឆ្នោតថ្នាក់ជាតិដែលនឹងប្រព្រឹត្តឡើងក្នុងឆ្នាំនេះ។ តែជាសំណាងល្អ លោកនៅមានជីវិត ដោយខណៈនេះកំពុងស្ថិតនៅមន្ទីរពេទ្យ។ នេះបើតាមការបញ្ជាក់របស់ក្រុមមន្ត្រី កាលពីថ្ងៃទី០៦ ឧសភាម្សិលមិញ។

លោកAhsan Iqbal ត្រូវបានរងការបាញ់ប្រហារ កាលពីថ្ងៃអាទិត្យទី ០៦ ឧសភាម្សិលមិញ

សមត្ថកិច្ចជាន់ខ្ពស់លោក Raja Riffat Mukhtar បានថ្លែងថា ជនសង្ស័យមានឈ្មោះថា Abid វ័យ២០ឆ្នាំ បានលបបាញ់លោក Iqbal នៅរយៈចម្ងាយជិតបំផុត ដោយបានប្រើប្រាស់កាំភ្លើងខ្លីប្រភេទ30-bore ពោលគឺបាញ់គាត់ ត្រូវត្រង់ដៃខាងស្កាំ ខណៈដែលគាត់រៀបនឹងចាកចេញពីកិច្ចប្រជុំសាធារណៈមួយក្នុងខែត្រPunjab ប្រទេសប៉ាគីស្ថាន។

ជុំវិញបញ្ហានេះ ក្រុមសមត្ថកិច្ចពុំទាន់បានបញ្ជាក់ពីមូលហេតុនៃការលួចធ្វើឃាតនេះនៅឡើយទេ។

លេខាធិការមន្ទីរសុខាភិបាលខែត្រPunjab លោក Najam Shah បានបញ្ជាក់ថា លោក Ahsan Iqbal ត្រូវបានបញ្ជូនទៅកាន់មន្ទីរពេទ្យមួយក្នុងទីក្រុងLahore។ យ៉ាងណាមិញ បុគ្គលិកមន្ទីរពេទ្យម្នាក់ដែលសុំមិនបញ្ចេញឈ្មោះបានប្រាប់ទៅកាន់ភ្នាក់ងារសារព័ត៌មានAFPថា "លោកAhsan Iqbal បានធូរស្រាលដូចធម្មតាវិញហើយ គាត់មិនកើតអ្វីទេ"៕

ប្រភព៖ Channelnewsasia ប្រែសម្រួល៖ អឹុម ម៉េងស៊ាង